Kantara: ఫలించిన క్షణాలు.. ‘కాంతార’ చిత్రయూనిట్కు నిజ జీవితంలో దైవానుగ్రహం.. వీడియో చూడండి..
నిజజీవితంలో కాంతాత బృందానికి దైవానుగ్రహం లభించింది. ఈ విషయాన్ని తెలియజేస్తూ..చిత్ర నిర్మాణ సంస్థ హోంబలే ఫిల్మ్స్ ఓ వీడియో షేర్ చేసింది.
కన్నడ డైరెక్టర్ కమ్ నటుడు రిషబ్ శెట్టి తెరకెక్కించిన కాంతార సినిమా ఎంత పెద్ద విజయం సాధించిందో చెప్పక్కర్లేదు. చిన్న చిత్రంగా విడుదలై దేశవ్యాప్తంగా సంచలనం సృష్టించింది. కన్నడలోనే కాకుండా..తెలుగు, తమిళం, మలయాళం, హిందీ అన్ని భాషల్లోనూ అద్భుతమైన రెస్పాన్స్ వచ్చింది. అంతేకాకుండా.. దాదాపు 1000 కోట్లకు పైగా వసూళ్లు రాబట్టింది. కర్ణాటక ఆదివాసీల ఆచార సంప్రదాయాలు… భూతకోల నేపథ్యంలో వచ్చిన ఈ మూవీ ప్రేక్షకులను ఆకట్టుకుంది. ముఖ్యంగా ఈ సినిమా క్లైమాక్స్ లో చివరి 20 నిమిషాలు రిషబ్ నటనకు గూస్ బంప్స్ వచ్చేలా చేసింది. చివరలో రిషబ్ శెట్టి భూతకోల ఆడే వ్యక్తిగా మారడం.. తన భూమిని కాపాడినందుకు కృతజ్ఞతగా అక్కడున్న పోలీసు అధికారిని.. ఇతర గ్రామస్తలును తన దగ్గరకు తీసుకోవడం వంటి సన్నివేశాలు ప్రేక్షకుల హృదయాలను తాకాయి. ఇప్పుడు అలాంటి ఘటనే కాంతారా చిత్రయూనిట్ కు ఎదురైంది. నిజజీవితంలో కాంతాత బృందానికి దైవానుగ్రహం లభించింది. ఈ విషయాన్ని తెలియజేస్తూ..చిత్ర నిర్మాణ సంస్థ హోంబలే ఫిల్మ్స్ ఓ వీడియో షేర్ చేసింది.
అందులో రిషబ్ శెట్టి తన కుటుంబం.. సప్తమి గౌడతోపాటు హోంబలే నిర్మాతలు.. తులునాడులోని పంజుర్ల ఉత్సవానికీ హాజరై ప్రత్యేక పూజలు చేశారు. ఆ ప్రాంతానికి చెందిన ఓ వ్యక్తి భూతకోల ఆడటానికి సిద్ధం కావడం.. అతడిని ఆవహించడం చిత్రయూనిట్ చూశారు. అనంతరం దైవం ఆవహించిన వ్యక్తి రిషబ్ శెట్టిని ఆత్మీయంగా దగ్గరకు తీసుకున్నాడు. అంతేకాకుండా.. కాంతార టీంను దగ్గరకు తీసుకున్నారు.
ఈ వీడియోను షేర్ చేస్తూ.. ఫలించిన క్షణాలు.. ప్రకృతికి కట్టుబడి మనకు స్వేచ్చ, విజయాన్ని అందిస్తోన్న దైవాన్ని ఆరాధించండి. కాంతార బృందం నిజ జీవితంలో దేవానుగ్రాహాన్ని పొందింది. అంటూ పేర్కొంది. ప్రస్తుతం ఈ వీడియో సోషల్ మీడియాలో వైరలవుతుంది.
ಹರಕೆ ತೀರಿಸಿದ ಕ್ಷಣಗಳು. You surrender to the nature & worship the God, who has bestowed you with such success n freedom in life. #Kantara team witnessed the divine in real form & took the blessings of Daiva!@shetty_rishab #VijayKiragandur @gowda_sapthami @ChaluveG @Karthik1423 pic.twitter.com/vPn8mOoenR
— Hombale Films (@hombalefilms) January 20, 2023
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
