భారతీయుడు2 నుంచి కాజల్ తప్పుకున్నారా..?

తేజ దర్శకత్వం వహించిన సీత మూవీతో ప్రేక్షకులను అలరించిన టాలీవుడ్ భామ కాజల్ అగర్వాల్ ప్రస్తుతం వరుస సినిమాలతో బిజీగా ఉంది. శంకర్, కమల్‌హాసన్ కాంబినేషన్‌లో భారీ బడ్జెట్‌తో నిర్మిస్తున్న భారతీయుడు 2లో కాజల్ నటిస్తోంది. అయితే జూన్ 1 నుంచి తాను భారతీయుడు 2 సినిమాలో జాయిన్ అవుతానని కాజల్ ప్రకటించింది. అయితే ఇప్పటివరకు దీనికి సంబంధించిన వార్త మాత్రం బయటకు రాలేదు. దీంతో చాలాసార్లు వాయిదా పడుతూ సెట్స్‌పైకి వెళ్లిన భారతీయుడు 2 చిత్రం నుంచి కాజల్ తప్పుకోనుందనే..? అనే వార్త చక్కర్లు కొడుతోంది. కానీ దీనికి సంబంధించి.. కాజల్ నుంచి ఎలాంటి ప్రకటన రాలేదు. కాజల్ ప్రస్తుతం జయం రవితో కలిసి కోమలి చిత్రంలో నటిస్తోంది. దీంతోపాటు సుధీర్‌వర్మ-శర్వానంద్ కాంబినేషన్‌లో వస్తున్న రణరంగం సినిమాలో కూడా నటిస్తోంది. ఇక ఈ రెండు సినిమాలు ఈ ఏడాదే ప్రేక్షకులు ముందుకురానున్నట్లు తెలుస్తోంది.