‘మా’లో గొడవ ఎందుకంటే..? క్లారిటీ ఇచ్చిన జీవిత..!

మూవీ ఆర్టిస్ట్స్ అసోసియేషన్(మా)లో మరో వివాదం చోటు చేసుకుంది. అధ్యక్షుడు నరేష్‌కు, వైస్ ప్రెసిడెంట్ రాజశేఖర్‌కు మధ్య గొడవలు తారాస్థాయికి చేరుకున్నాయి. జనరల్ బాడీ మీటింగ్ ఉందని జీవితా, రాజశేఖర్‌లు ‘మా’ సభ్యులకు మెసేజ్‌లు పంపారు. నరేష్ మినహా మిగిలినవారంతా ఈ సమావేశానికి హాజరయ్యారు. అయితే అధ్యక్షుడు లేకుండా మీటింగ్ ఎలా నిర్వహిస్తారంటూ నరేష్ తరపు న్యాయవాది జీవితా రాజశేఖర్‌ను ప్రశ్నించారు. ఇది ఫ్రెండ్లీ మీటింగ్ మాత్రమేనని.. కోర్టు ఆర్డర్ ప్రకారం ఇది జనరల్ బాడీ మీటింగ్ కాదని వారు అన్నారు.

కాగా.. ఇదిలా ఉండగా.. దీనిపై జీవితా రాజశేఖర్ క్లారిటీ ఇచ్చారు. నిన్న ఉదయం 9 గంటలకు మొదలైన మీటింగ్‌.. సాయంత్రం 5 గంటలకు వరకూ.. నిర్విరామంగా.. ప్రశాంతంగా.. జరిగిందని తెలిపారు. కానీ.. మీడియాలో మాత్రం.. ఏవోవో గొడవలు జరిగాయని చెప్పారు. ఫేస్‌బుక్‌లో, వాట్సాప్‌లో నాకు చాలా మెసేజ్‌లు, కాల్స్ వచ్చాయి. అందరికీ.. మీటింగ్‌లో ఏం జరిగిందో తెలపడానికి నేను ఇలా మీ ముందుకు వచ్చినట్టు ఆమె అన్నారు.

అయితే.. మీటింగ్‌లో కొన్ని కొన్ని మనస్పర్థలు, ఆర్గ్యూమెంట్స్ జరిగాయి కానీ.. అవి కూడా సామరస్యంగా పూర్తి అయ్యాయిని చెప్పారు. మా సభ్యులకు కొన్ని సమస్యలు, ఇబ్బందులు ఉండటం వల్లే.. ఈ జనరల్ బాడీ మీటింగ్ పెట్టుకున్నామని చెప్పుకొచ్చారు. అది ఒక నార్మల్ జనరల్ బాడీ మీటింగ్ మాత్రమే తప్పించి.. దీనికి కోర్టు పర్మిషన్లు ఏం అవసరం లేదని చెప్పుకొచ్చారు. అంతేగాక.. మాలో ఇప్పటివరకూ.. 1000 మంది సభ్యులు ఉన్నారని.. అందులో ఓ 20 పర్సెంట్ సభ్యుల ఆమోదం ఉంటే.. మీటింగ్ పెట్టుకోవచ్చని.. దీనికి కోర్టు పర్మిషన్ అవసరం లేదన్నారు. అలాగే.. మీటింగ్‌కు అటెండ్ కాని సభ్యులు కూడా.. మాతో ఫోన్‌లో టచ్‌ ఉన్నట్లు ఆమె పేర్కొన్నారు. అలాగే.. మాకు, అధ్యక్షుడు నరేష్‌కి మధ్య ఎటువంటి గొడవలు జరగలేదని తెలిపారు.