సీతారామం సాంగ్‌కు జపనీస్ జంట డాన్స్.. ఎంతబాగా చేశారో మీరే చూడండి

ఈ సినిమాలో దుల్కర్ సల్మాన్ హీరోగా నటించాడు. అలాగే మృణాల్ ఠాకూర్ హీరోయిన్ గా నటించింది. అందమైన ప్రేమకథగా తెరకెక్కిన ఈ సినిమా సూపర్ హిట్ గా నిలిచింది. అంతేకాదు ఈ సినిమా తమిళ్, హిందీ భాషల్లోనూ డబ్ అయ్యి మంచి విజయాన్ని అందుకుంది. ఈ సినిమాలో పాటలు కూడా సూపర్ హిట్ గా నిలిచాయి.

Sita Ramam

Rajeev Rayala |

Updated on: Mar 02, 2024 | 5:50 PM

టాలీవుడ్ లో ఇప్పటికే చాల ప్రేమకథలు ప్రేక్షకులను అలరించాయి. అలాంటి సినిమాల్లో సీతారామం సినిమా ఒకటి. హనురాఘవాపుడి దర్శకత్వంలో వచ్చిన సీతారామం సినిమా సూపర్ హిట్ గా నిలిచింది. ఈ సినిమాలో దుల్కర్ సల్మాన్ హీరోగా నటించాడు. అలాగే మృణాల్ ఠాకూర్ హీరోయిన్ గా నటించింది. అందమైన ప్రేమకథగా తెరకెక్కిన ఈ సినిమా సూపర్ హిట్ గా నిలిచింది. అంతేకాదు ఈ సినిమా తమిళ్, హిందీ భాషల్లోనూ డబ్ అయ్యి మంచి విజయాన్ని అందుకుంది. ఈ సినిమాలో పాటలు కూడా సూపర్ హిట్ గా నిలిచాయి. ఇప్పటికీ ఈ సినిమాలోని పాటలు వినిపిస్తున్నాయి. ఇదిలా ఉంటే ఈ సినిమాలోని ఓ పాటకు ఓ విదేశీ జంట అద్భుతంగా డాన్స్ చేశారు. అభినయాన్ని చూడచక్కగా చేశారు ఆ జంట.

ఇప్పుడు ఈ వీడియో సోషల్ మీడియాలో వైరల్ గా మారింది. సీతారామం సినిమాలోని ఇంతందం దారి మల్లిందా అనే పాటకు వీడియో చేశారు ఆ విదేశీ జంట. ఈ వీడియో పై నెటిజన్స్ రకరకాల కామెంట్స్ చేస్తున్నారు. అద్భుతమైన ఎక్స్ ప్రెషన్స్ తో పాటు ఆ పాటలో డ్రస్ లను కూడా మ్యాచ్ చేశారు ఈ కపుల్. ఈ ఒక్క సాంగ్ మాత్రమే కాదు గతంలో చాలా సాంగ్స్ కు స్టెప్పులేశారు ఈ ఇద్దరూ.

సూపర్ స్టార్ మహేష్ బాబు నటించిన గుంటూరు కారం సినిమాలోని పాటకు కూడా స్టెప్పులేశారు. గుంటూరు కారం సినిమాలోని కుర్చీ మడతపెట్టి సాంగ్ కు డాన్స్ చేశారు. ఈ వీడియో కూడా తెగ వైరల్ అయ్యింది. సేమ్ స్టెప్స్ తో ఆకట్టుకున్నారు. ఈసారి ఇలా సీతారామం సాంగ్ తో అలరించారు. ఈ వీడియోల పై మీరూ ఓ లుక్కేయండి.