Waltair Veerayya : మెగాస్టార్ మాస్ మాసాల మూవీ వాల్తేరు వీరయ్య స్టోరీ ఇదేనా..
ఇప్పుడు బ్యాక్ టు బ్యాక్ సినిమాలతో అలరించడానికి రెడీ అవుతున్నారు మెగాస్టార్. ఈ క్రమంలోనే చిరు వాల్తేరు వీరయ్య అనే మాస్ మసాలా మూవీని ప్రేక్షకుల ముందుకు తీసుకురానున్నారు.
Updated on: Oct 29, 2022 | 5:08 PM
మెగాస్టార్ చిరంజీవి రీసెంట్ గాడ్ ఫాదర్ సినిమాతో మంచి హిట్ అందుకున్న విషయం తెలిసిందే. మోహన్ రాజా దర్శకత్వంలో వచ్చిన ఈ సినిమా మలయాళ సూపర్ హిట్ మూవీ లూసీఫర్ సినిమాకు రీమేక్ అన్న విషయం తెలిసిందే. అయినా కూడా ఎక్కడ కూడా ఇది రీమేక్ అని అనిపించకుండా తెరకెక్కించి ఆకట్టుకున్నారు మోహన్ రాజా. అలాగే మెగాస్టార్ కూడా తన నటనతో మరోసారి ప్రేక్షకులను ఆకట్టుకున్నారు. ఇక ఇప్పుడు బ్యాక్ టు బ్యాక్ సినిమాలతో అలరించడానికి రెడీ అవుతున్నారు మెగాస్టార్. ఈ క్రమంలోనే చిరు వాల్తేరు వీరయ్య అనే మాస్ మసాలా మూవీని ప్రేక్షకుల ముందుకు తీసుకురానున్నారు. ఈ సినిమాకు బాబీ దర్శకత్వం వహిస్తున్నారు. ఇప్పటికే ఈ సినిమా నుంచి విడుదలైన పోస్టర్లు, గ్లిమ్స్ , టైటిల్ టీజర్ ప్రేక్షకులను విపరీతంగా ఆకట్టుకున్నాయి. ఈ సినిమాలో చిరు మాస్ క్యారెక్టర్ లో కనిపించనున్నారు. అలాగే ఈ సినిమాలో మాస్ మహారాజ రవి తేజ కూడా నటిస్తున్న విషయం తెలిసిందే.
ఇక అలాగే ఈ సినిమాలో ప్రకాష్ రాజ్ కీలక పాత్రలో నటిస్తోన్న విషయం తెలిసిందే. ఈ సినిమాలో ప్రకాష్ రాజ్ నెగిటివ్ షేడ్స్ ఉన్న పాత్రలో కనిపించనున్నారట. అయితే ఈ సినిమాలో రవితేజ, చిరంజీవి అన్నదమ్ములుగా కనిపించనున్నారట. సత్యరాజ్ కు ఇద్దరు భార్యలు కాగా పెద్ద భార్య కొడుకు చిరంజీవి, రెండో భార్య కొడుకు రవితేజ మధ్య చిన్నప్పటి నుంచి గొడవలు జరుగుతుంటాయట.. అయితే ఈ సినిమాలో ప్రకాష్ రాజ్ స్మగ్లర్ పాత్రలో కనిపిస్తారట. అలాగే రవితేజ పోలీస్ ఆఫీసర్ పాత్రలో కనిపిస్తారని అంటున్నారు.
ఈ వార్తల్లో వాస్తవమెంత అన్నది తెలియదు కానీ మెగాస్టార్ మూవీ స్టోరీ ఇదే అంటూ ఓ వార్త ఫిలిం సర్కిల్స్ లో తెగ చక్కర్లు కొడుతోంది. ఈ సినిమాలో రవితేజ పోలీస్ ఆఫీసర్ గా కనిపించనున్నారు. ఇప్పటికే ఈ సినిమా పై భారీ బజ్ క్రియేట్ అయ్యింది. చూడాలి మరి ఈ సినిమా ఎలాంటి హిట్ అందుకుంటుందో.
