Srinu Vaitla: హిట్లు లేక సతమతం అవుతోన్న ఆ హీరోతో శ్రీను వైట్ల సినిమా చేస్తున్నాడా..?
ఇక ఈ మధ్య కాలంలో సరైన హిట్ పడలేదు. మహేష్ బాబు హీరోగా వచ్చిన దూకుడు సినిమా తర్వాత ఆ రేంజ్ హిట్ అందుకోలేక పోయాడు ఒకప్పటి ఈ స్టార్ డైరెక్టర్.
Updated on: Oct 08, 2022 | 5:07 PM
టాలీవుడ్ లో తనదైన స్టైల్తో ఒకప్పుడు స్టార్ డైరెక్టర్ గా రాణించారు శ్రీను వైట్ల. కామెడీ జోనర్ కు యాక్షన్ ను జోడించి సినిమాలను తెరకెక్కించిన శ్రీను వైట్ల సూపర్ హిట్ సినిమాలను తెరకెక్కించారు. ఇక ఈ మధ్య కాలంలో సరైన హిట్ పడలేదు. మహేష్ బాబు హీరోగా వచ్చిన దూకుడు సినిమా తర్వాత ఆ రేంజ్ హిట్ అందుకోలేక పోయాడు ఒకప్పటి ఈ స్టార్ డైరెక్టర్. ఇక చాలా కాలంగా సినిమాలకు దూరంగా ఉంటూ వస్తున్నారు శ్రీనువైట్ల. చాలా కాలం తర్వత శ్రీనువైట్ల విష్ణు మంచు తో సినిమా చేస్తున్న అని అనౌన్స్ చేశాడు. గతంలో ఈ ఇద్దరి కాంబోలో ఢీ సినిమా వచ్చిన విషయం తెలిసిందే. ఈ సినిమా మంచి హిట్ అందుకున్న విషయం తెలిసిందే. ఈ సినిమా సీక్వెల్ చేస్తున్న అని అప్పుడెప్పుడో ప్రకటించారు శ్రీను. ఢీ అంటే ఢీ అనే టైటిల్ ను కూడా అనౌన్స్ చేశాడు. కానీ ఈ సినిమా ఇప్పటివరకు పట్టాలెక్కలేదు.
ఇదిలా ఉంటే ఇప్పుడు మాస్ మహారాజ హీరోగా ఓ సినిమా చేయనున్నాడని వార్తలు వచ్చాయి. గతంలో ఈ ఇద్దరి కాంబినేషన్ లో వెంకీ, దుబాయ్ శ్రీను లాంటి సినిమాలు చేసిన విషయం తెలిసిందే. ఈ రెండు సినిమాలు మంచి విజయాన్ని అందుకున్నాయి. ఆ తర్వాత వచ్చిన అమర్ అక్బర్ అంథోని సినిమా దారుణంగా నిరాశపరిచింది. ఇక ఇప్పుడు ఓ సినిమా చేయడానికి రెడీ అవుతున్నారంటూ వచ్చిన వార్తల్లోనూ క్లారిటీ లేదు. తాజాగా మరో హీరోతో శ్రీను వైట్ల సినిమా అంటూ టాక్ వినిపిస్తోంది.
తాజాగా గోపీచంద్ తో శ్రీను వైట్ల సినిమా చేస్తున్నాడని అంటున్నారు. ఇటీవలే గోపీచంద్ కు ఒక కథను వినిపించాడట. కథ నచ్చడంతో గోపి గ్రీన్ సిగ్నల్ ఇచ్చాడని అంటున్నారు. శ్రీనువైట్లతో పాటు గోపీచంద్ కూడా సాలిడ్ హిట్ కోసం చాలా కాలంగా ఎదురుచూస్తున్నారు. మరి ఈ ఇద్దరి కాంబినేషన్లో వచ్చేసింది ఎలా ఉంటుందో చూడాలి.. ఈ సినిమాతో ఇద్దరు సాలిడ్ కమ్ బ్యాక్ ఇస్తారేమో చూడాలి.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
