Adipurush: చరిత్ర సృష్టించనున్న ‘ఆదిపురుష్’ ప్రీరిలీజ్ ఈవెంట్.. ఫిల్మ్ ఇండస్ట్రీలోనే తొలిసారిగా..
. రామాయణం నేపథ్యంతో తెరకెక్కిన ఈ సినిమాలో ప్రభాస్ రాముడిగా.. కృతి సనన్ సీత పాత్రలో నటిస్తున్నారు. ఇప్పటికే విడుదలైన ట్రైలర్ మాత్రం ఈ సినిమాపై అంచనాలను పెంచడమే కాకుండా.. సినీప్రియులకు మరో విజువల్ వండర్ అందించనున్నట్లు తెలుస్తోంది. ప్రస్తుతం ఆదిపురుష్ ప్రమోషన్స్ జోరుగా సాగుతున్నాయి.
Updated on: Jun 01, 2023 | 2:38 PM
యంగ్ రెబల్ స్టార్ ఫ్యాన్స్ ఆశలన్ని ఇప్పుడు ఆదిపురుష్ సినిమా పైనే ఉన్నాయి. బాలీవుడ్ స్టార్ డైరెక్టర్ ఓంరౌత్ దర్శకత్వంలో ప్రభాస్ నటిస్తోన్న ఈ మూవీ జూన్ 16న పాన్ ఇండియా లెవల్లో గ్రాండ్ గా రిలీజ్ కాబోతుంది. రామాయణం నేపథ్యంతో తెరకెక్కిన ఈ సినిమాలో ప్రభాస్ రాముడిగా.. కృతి సనన్ సీత పాత్రలో నటిస్తున్నారు. ఇప్పటికే విడుదలైన ట్రైలర్ మాత్రం ఈ సినిమాపై అంచనాలను పెంచడమే కాకుండా.. సినీప్రియులకు మరో విజువల్ వండర్ అందించనున్నట్లు తెలుస్తోంది. ప్రస్తుతం ఆదిపురుష్ ప్రమోషన్స్ జోరుగా సాగుతున్నాయి. ఇప్పటికే రెండు పాటలు విడుదల కాగా.. త్వరలోనే ప్రీ రిలీజ్ ఈవెంట్ నిర్వహించనున్నారు. జూన్ 6న తిరుపతిలో ప్రీ రిలీజ్ వేడుకను గ్రాండ్ గా నిర్వహించనున్నట్లు ఇటీవలే చిత్రయూనిట్ ప్రకటించింది. ఇందుకోసం ఇప్పుడు ఏర్పాట్లు జరుగుతున్నాయి.
అయితే ఈ వేడుకకు దాదాపు లక్షమంది వరకు అభిమానులు హాజరయ్యే అవకాశమున్నట్లు తెలుస్తోంది. ఇక అందుకు తగినట్లుగానే ఏర్పాట్లు జరుగుతున్నాయట. సినీరంగంలోనే ఈ వేడుకు చరిత్ర సృష్టించనున్నట్లు తెలుస్తోంది. ఈ ఈవెంట్ కోసం దాదాపు 200 మంది సింగర్లు, 200 మంది డ్యాన్సర్స్ ప్రదర్శనలు ఇవ్వబోతున్నారట. అంతేకాకుండా ఈ వేడుక కోసం ప్రత్యేకగా తయారు చేసిన బాణాసంచాను కూడా తీసుకువస్తున్నారట. వీటిని కాల్చిన సమంయలో జై శ్రీరామ్ అనే శబ్దాలు వస్తాయని అంటున్నారు.
మొత్తానికి ఆదిపురుష్ ప్రీ రిలీజ్ ఈవెంట్ ఇండియన్ ఫిల్మ్ హిస్టరీలో నిలిచిపోతుందట. గతంలో ఏ సినిమా ప్రీ రిలీజ్ వేడుకలకు చూడని ఏర్పాటు ఉండనున్నాయని టాక్. ఈ సినిమాను టీ సిరీస్ బ్యానర్ పై భూషణ్ కుమార్ నిర్మిస్తున్నారు. ఈ చిత్రానికి అజయ్, అతుల్ సంగీతం అందిస్తున్నారు.
