NTR 30: ఎన్టీఆర్ కోసం రంగంలోకి ఆ ముగ్గురు స్టార్ హీరోస్.. తారక్ సినిమాలో విలన్స్ ఎవరో తెలుసా ?..
అందులో కత్తులు పట్టుకున్న తారక్ చేతులు మాత్రం కనిపిస్తున్నాయి. ‘వెన్ కరేజ్ టర్న్స్ ఏ డిసీజ్.. ఫియర్ ఈజ్ ది ఓన్లీ క్యూర్’ అంటూ క్యాప్షన్ కూడా పోస్టర్ ఆకట్టుకుంది. తాజాగా ఈ సినిమా గురించి ఓ ఇంట్రెస్టింగ్ అప్డేట్ నెట్టింట చక్కర్లు కొడుతుంది.
Updated on: Feb 08, 2023 | 9:38 PM
ఆర్ఆర్ఆర్ సినిమాతో పాన్ ఇండియా క్రేజ్ సొంతం చేసుకున్నారు ఎన్టీఆర్. దీంతో తారక్ సినిమాల కోసం ప్రపంచవ్యాప్తంగా అభిమానులు ఎదురుచూస్తున్నారు. ప్రస్తుతం ఆయన మాస్ డైరెక్టర్ కొరటాల శివ దర్శకత్వంలో ఓ ప్రాజెక్ట్ చేస్తున్నారు. NTR 30 వర్కింగ్ టైటిల్ తో రాబోతున్న ఈసినిమాను ప్రపంచవ్యాప్తంగా 2024 ఏప్రిల్ 5న విడుదల చేయనున్నారు. నందమూరి కళ్యాణ్ రామ్ సమర్పణలో ఎన్టీఆర్ ఆర్ట్స్, యువ సుధ ఆర్ట్స్ బ్యానర్స్పై కొసరాజు హరికృష్ణ, సుధాకర్ మిక్కిలినేని ఈ చిత్రాన్ని నిర్మిస్తున్నారు. ఎన్టీఆర్ హీరోగా నటిస్తోన్న 30వ సినిమా ఇది. ఇప్పటికే విడుదలైన ఫస్ట్ లుక్ పోస్టర్ సినిమాపై అంచనాలను పెంచేసింది. అందులో కత్తులు పట్టుకున్న తారక్ చేతులు మాత్రం కనిపిస్తున్నాయి. ‘వెన్ కరేజ్ టర్న్స్ ఏ డిసీజ్.. ఫియర్ ఈజ్ ది ఓన్లీ క్యూర్’ అంటూ క్యాప్షన్ కూడా పోస్టర్ ఆకట్టుకుంది. తాజాగా ఈ సినిమా గురించి ఓ ఇంట్రెస్టింగ్ అప్డేట్ నెట్టింట చక్కర్లు కొడుతుంది.
ఈ సినిమాలో ముగ్గురు స్టార్ హీరోస్ విలన్స్ గా నటించనున్నారట. తెలుగులోనే కాదు.. తమిళ్, బాలీవుడ్ స్టార్లను తీసుకుబోతున్నారట డైరెక్టర్ కొరటాల శివ. తమిళ్ నుంచి చియాన్ విక్రమ్, హిందీ నుంచి సైఫ్ అలీ ఖాన్ ప్రతినాయకులుగా ఎంపిక చేశారని టాక్. ఇక ఈ సినిమాలో విలన్ పాత్ర కోసం కోలీవుడ్ స్టార్ హీరో విజయ్ సేతుపతిని సంప్రదించినట్లుగా తెలుస్తుంది. ఇప్పటికే ఓ వైపు హీరోగా మరో వైపు విలన్ పాత్రలతో విజయ్ సేతుపతి సౌత్ తో పాటు హిందీలో కూడా వరుస ప్రాజెక్ట్స్ చేస్తున్నారు.
ఒకవేళ ఎన్టీఆర్ కు విలన్ గా విజయ్ సేతుపతి సెట్ అవుతాడని భావిస్తున్నారు ఫ్యాన్స్. ఒక వేళ విజయ్ సేతుపతి మాత్రం ఈ మూవీలో విలన్ గా ఎంపిక అయితే కచ్చితంగా సినిమా మరో లెవల్ కి వెళ్తుందనే టాక్ ఫిల్మ్ సర్కిల్లో చక్కర్లు కొడుతుంది.
