Trisha: తన కూతరిపై వస్తోన్న రూమర్స్ను ఖండించిన త్రిష తల్లి.. ఫోటోస్ షేర్ చేస్తూ క్లారిటీ..
అలాగే ఇటీవల విడుదలైన ఫస్ట్ గ్లింప్స్ వీడియో అంచనాలను పెంచేసింది. అయితే కొద్దిరోజులుగా ఈ సినిమా గురించి నెట్టింట పలు వార్తలు హల్చల్ చేస్తున్నాయి.
Updated on: Feb 08, 2023 | 3:06 PM
టాలీవుడ్ అగ్రహీరోయిన్గా తనకంటూ ప్రత్యేక స్థానం సంపాదించుకుంది త్రిష. దాదాపు 20 ఏళ్లుగా దక్షిణాదిలో చక్రం తిప్పుతుంది ఈ ముద్దుగుమ్మ. కొంతకాలం అవకాశాలు తగ్గినా.. ఇటీవల డైరెక్టర్ మణిరత్నం తెరకెక్కించిన పొన్నియన్ సెల్వన్ సినిమాతో ఒక్కసారిగా క్రేజ్ మారిపోయింది. ఇందులో త్రిష మరింత అందంగా కనిపించడమే కాకుండా.. నటనపరంగానూ మరోసారి ఆకట్టుకుంది. దీంతో ఈ ముద్దుగుమ్మకు అవకాశాలు క్యూకట్టాయి. ప్రస్తుతం ఆమె తమిళ్ స్టా్ర్ హీరో విజయ్ దళపతి.. డైరెక్టర్ లోకేష్ కనకరాజ్ కాంబోలో రాబోతున్న లియో చిత్రంలో నటిస్తోంది. ఇటీవలే ఈ సినిమా పూజా కార్యక్రమాలతో గ్రాండ్ గా ప్రారంభమైంది. ఈ వేడుకలకు హీరోయిన్ త్రిష కూడా హజరయ్యింది. దాదాపు 14 ఏళ్ల తర్వాత ఈ సూపర్ హిట్ జోడి మళ్లీ నటిస్తుండడంతో లియో సినిమా కోసం ఆసక్తిగా ఎదురుచూస్తున్నారు. అలాగే ఇటీవల విడుదలైన ఫస్ట్ గ్లింప్స్ వీడియో అంచనాలను పెంచేసింది. అయితే కొద్దిరోజులుగా ఈ సినిమా గురించి నెట్టింట పలు వార్తలు హల్చల్ చేస్తున్నాయి.
ఈ సినిమా నుంచి హీరోయిన్ త్రిష తప్పుకున్నట్లుగా కొద్ది రోజులుగా కోలీవుడ్ ఇండస్ట్రీలో వార్తలు వినిపిస్తున్నాయి. ఇందుకు కారణం కొన్ని రోజుల క్రితం చెన్నై విమానాశ్రయంలో ఆమె కనిపించడమే. దీంతో ఈ సినిమా నుంచి ఆమె తప్పుకుందంటూ ప్రచారం జోరందుకుంది. ప్రస్తుతం ఈ సినిమా షూటింగ్ కశ్మీర్ లో జరుగుతుంది. అయితే అక్కడి నుంచి పలు ఫోటోస్, వీడియోస్ షేర్ చేసిన త్రిష.. అనుకోకుండా కొద్దిరోజుల క్రితం చెన్నై ఎయిర్ పోర్టులో కనిపించడంతో ఈ రూమర్స్ వినిపిస్తున్నాయి. తాజాగా ఈ రూమర్లను ఆమె తల్లి ఉమా కృష్ణన్ కొట్టిపారేశారు. ఫిబ్రవరి 8న ఆమె కాశ్మీర్ నుంచి కొన్ని ఫోటోస్ షేర్ చేసింది. దీంతో త్రిష ఈ ప్రాజెక్టులో కంటిన్యూ అవుతున్నట్లుగా తెలుస్తోంది.
మాస్టర్ సినిమా తర్వాత వీరిద్దరి కాంబోలో రాబోతున్న లియో చిత్రాన్ని భారీ బడ్జెట్ యాక్షన్ ఎంటర్టైనర్ గా రాబోతుంది. ఇందులో సంజయ్ దత్, మిస్కిన్, గౌతమ్ మీనన్, ప్రియా ఆనంద్, అర్జున్ సర్జా, మన్సూర్ అలీ ఖాన్ నటిస్తున్నారు. సెవెన్ స్క్రీన్ స్టూడియోస్ నిర్మిస్తోన్న ఈ మూవీ అక్టోబర్ 19న థియేటర్లలోకి రానుంది.
Trisha
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
