Tollywood: ఈ ఫొటోలో తల్లితో ఉన్నదెవరో గుర్తు పట్టారా? టాలీవుడ్‌లో సంచలనాలకు చిరునామా.. ఇప్పుడు సైలెంట్
పై ఫొటోలో తల్లితో కలిసి చిరునవ్వులు చిందిస్తోన్నది ఎవరో గుర్తు పట్టారా? అతనొక టాలీవుడ్ సెలబ్రిటీ. అలాగనీ స్టార్ హీరో కాదు. అయితే అంతకు మించిన ఫాలోయింగ్ అతని సొంతం. అదేదో సినిమాలో మహేశ్ బాబు చెప్పినట్లు 'నలుగురికి నచ్చినది నాకసలు ఇక నచ్చదులే' అనే టైపు అన్నమాట. అతను ఏం చేసినా సంచలనమే
Updated on: Jun 21, 2024 | 2:41 PM
పై ఫొటోలో తల్లితో కలిసి చిరునవ్వులు చిందిస్తోన్నది ఎవరో గుర్తు పట్టారా? అతనొక టాలీవుడ్ సెలబ్రిటీ. అలాగనీ స్టార్ హీరో కాదు. అయితే అంతకు మించిన ఫాలోయింగ్ అతని సొంతం. అదేదో సినిమాలో మహేశ్ బాబు చెప్పినట్లు ‘నలుగురికి నచ్చినది నాకసలు ఇక నచ్చదులే’ అనే టైపు అన్నమాట. అతను ఏం చేసినా సంచలనమే. కొన్ని సార్లు ఇదే సంచలనాలు వివాదాలుగా కూడా మారుతుంటాయి. అయితే ఎన్ని వివాదాలోచ్చినా, ప్రస్తుతం అతని స్టార్ డమ్ తగ్గినా టాలీవుడ్ గొప్ప దర్శకుల్లో ఈ డైరెక్టర్ పేరు కచ్చితంగా ఉండాల్సిందే. కెరీర్ ప్రారంభంలో పెద్ద హీరోలతో బ్లాక బస్టర్లు తీసి సంచలనాలు సృష్టించిన ఈ డైరెక్టర్ ఇప్పుడు పూర్తిగా మారిపోయాడు. పొలిటికల్ బయోపిక్ లంటూ చేతులు కాల్చుకున్నాడు. ఈ పాటికే అర్థమై ఉంటుంది మనం ఎవరి గురించి మాట్లాడుకుంటున్నామో? యస్. అతను మరెవరో కాదు సెన్సేషనల్ డైరెక్టర్ రామ్ గోపాల్ వర్మ. పై ఫొటోలో డైరెక్టర్ పక్కన ఉన్నది అతని మాతృమూర్తి. ఏ సందర్భంలో దిగారో కానీ ఇద్దరు చాలా హ్యాపీ మూడ్ లో ఉన్నట్టున్నారు. సంతోషంతో చిరునవ్వులు చిందిస్తూ కనిపించారు.
కాగా ఏపీ అసెంబ్లీ ఎన్నికలకు ముందు టాలీవుడ్ లో ప్రకంపనలు రేపారు రామ్ గోపాల్ వర్మ. ఏపీ రాజకీయాల నేపథ్యంలో వ్యూహం, శపథం సినిమాలు తీశారాయన. అయితే ఇందులో వ్యూహం మాత్రమే రిలీజైంది. అది కూడా ప్రేక్షకులను ఏ మాత్రం ఆకట్టుకోలేకపోయింది. కానీ ఏపీ రాజకీయాల్లో ఈ సినిమా తీవ్ర ప్రకంపనలు రేపింది. ముఖ్యంగా టీడీపీ నేతలు రామ్ గోపాల వర్మ సినిమాను ఆపేయాలంటూ కోర్టుమెట్లెక్కారు. వ్యూహం, శపథం రెండు సినిమాల తర్వాత పూర్తిగా సైలెంట్ అయిపోయారు ఆర్జీవీ. అయితే కొన్ని రోజుల క్రితం ఆర్జీవీ యువర్ ఫిల్మ్ కాంటెస్ట్ పేరుతో టాలెంట్ హంట్ నిర్వహించారు. తెలుగు చిత్ర పరిశ్రమలోకి రావాలనుకునే వారిని తన వంతు ప్రోత్సహించేందుకు ఈ ట్యాలెంట్ హంట్ నిర్వహించారు. ఇందుకు మంచి రెస్పాన్సే వచ్చింది.
Me and Ravi varma in a media event along with the 11 short listed directors from the YOUR FILM concept #Rgvden pic.twitter.com/eEhNfPjvJJ
— Ram Gopal Varma (@RGVzoomin) June 15, 2024
After seeing him many times on SCREEN, I finally met the REAL @VijaySethuOffl to realise that he is even BETTER in REAL than on SCREEN pic.twitter.com/NW3KOktnlr
— Ram Gopal Varma (@RGVzoomin) May 21, 2024
మరిన్ని సినిమా వార్తల కోసం ఇక్కడ క్లిక్ చేయండి.
