Tollywood: శ్రీదేవి, రజినీకాంత్‏తో ఉన్న ఈ చిన్నోడు ఇప్పుడు పాన్ ఇండియా స్టార్ హీరో.. ఫాలోయింగ్ ఏ రేంజ్‏లో ఉంటుంది..

దివంగత హీరోయిన్ శ్రీదేవి, సూపర్ స్టార్ రజినీకాంత్‏తో కలిసి చిరునవ్వులు చిందిస్తున్న ఈ హీరోను గుర్తుపట్టారా ?.. ఇప్పుడు పాన్ ఇండియా స్టార్ హీరో. ప్రపంచవ్యాప్తంగా అతడికి ఎక్కువగానే ఫాలోయింగ్ ఉంది. నిజానికి అతడు బాలీవుడ్ స్టార్ హీరో. కానీ దక్షిణాదిలోనూ అభిమానులు చాలా మంది ఉన్నారు. ఎన్నో సూపర్ హిట్ చిత్రాల్లో నటించి అలరించాడు. అతడి సహజ నటనకు ప్రత్యేకంగా ఫ్యాన్స్ ఉన్నారు. అలాగే వెండితెరపై అతడి కటౌట్.. యాక్షన్ సినిమాలతో తనకంటూ స్పెషల్ ఇమేజ్ సొంతం చేసుకున్నాడు. బాలనటుడిగా ఇండస్ట్రీలోకి అడుగుపెట్టి..ఇప్పుడు అగ్రకథానాయికుడిగా ఇండస్ట్రీని ఏలేస్తున్నాడు. సినిమాల కంటే ఎక్కువగా వ్యక్తిగత విషయాలతోనే నిత్యం వార్తలలో నిలుస్తుంటారు. ముఖ్యంగా భార్యతో విడాకులు.. ప్రముఖ సింగర్‏తో ప్రేమలో ఉండడంతో నిత్యం నెట్టింట ఏదోక న్యూస్ చక్కర్లు కొడుతుంటాయి. ఎవరో గుర్తుపట్టారా ?.. అతన మరెవరో కాదు. బాలీవుడ్ స్టార్ హృతిక్ రోషన్.

1986లో రజినీకాంత్ నటించిన భగవాన్ దాదా చిత్రంలో హృతిక్ రోషన్ బాలనటుడిగా కనిపించారు. ఈ సినిమాకు హృతిక్ తండ్రి రాకేష్ రోషన్ నిర్మాతగా వ్యవహరించారు. ఇందులో రజినీకాంత్, దివగంత నటి శ్రీదేవి జంటగా నటించారు. హృతిక్ రోషన్ 2000 సంవత్సరంలో రాకేష్ రోషన్ దర్శకత్వం వహించిన ‘కహో నా ప్యార్ హై’ చిత్రంతో బాలీవుడ్‌లోకి అడుగుపెట్టాడు. ఈ సినిమాలో అమీషా పటేల్ కథానాయికగా నటించింది. మొదటి సినిమాతోనే సూపర్ హిట్ అందుకున్నాడు. హృతిక్ రోషన్ ‘ఖుద్గర్జ్’, ‘కోయిలా’, ‘కరణ్ అర్జున్’, ‘కింగ్ అంకుల్’ సహా మొత్తం 4 చిత్రాలకు సహాయ దర్శకుడిగా పనిచేశాడు. ఈ సినిమాలన్నీ రాకేష్ రోషన్ దర్శకత్వం వహించినవే. ‘కహో నా…ప్యార్ హై’తో బాలీవుడ్‌లోకి ఎంట్రీ ఇవ్వకముందు హృతిక్ చైల్డ్ ఆర్టిస్ట్‌గా చాలా సినిమాల్లో కనిపించాడు.

View this post on Instagram

A post shared by Hrithik Roshan (@hrithikroshan)

49 ఏళ్ల వయసులోనూ అద్భుతమైన ఫిట్‏నెస్, స్టైలీష్ లుక్స్ తో బిగ్ స్క్రీన్ పై మాయ చేస్తుంటాడు హృతిక్. అందుకే అతడిని అభిమానులు ‘గ్రీక్ గాడ్ ఆఫ్ బాలీవుడ్’ అని కూడా పిలుస్తారు. ప్రస్తుతం అతడు ఫైటర్ సినిమాలో నటిస్తున్నారు. ఇందులో దీపికా పదుకొణే కథానాయికగా నటిస్తుంది. ఈ మూవీ వచ్చే ఏడాది జనవరి 25న విడుదల కానుంది. ఇటీవల విడుదలైన టీజర్, సాంగ్స్ ఆకట్టుకున్నాయి.

View this post on Instagram

A post shared by Hrithik Roshan (@hrithikroshan)

మరిన్ని సినిమా వార్తల కోసం ఇక్కడ క్లిక్ చేయండి.