Tollywood: ‘చెప్పవే చిరుగాలి’ హీరోయిన్ గుర్తుందా.? ఆ మధ్య సినిమాలకు దూరమై.. ఇప్పుడేం చేస్తోందో తెలుసా!
'చెప్పవే చిరుగాలి' సినిమాలో హీరోయిన్గా నటించిన అభిరామి గుర్తిందా.? హీరో వేణు సరసన.. ఆ సినిమాలో నటించి.. తన నటనతో ప్రేక్షకులను కట్టిపడేసింది.
Updated on: Apr 24, 2023 | 11:15 AM
‘చెప్పవే చిరుగాలి’ సినిమాలో హీరోయిన్గా నటించిన అభిరామి గుర్తిందా.? హీరో వేణు సరసన.. ఆ సినిమాలో నటించి.. తన నటనతో ప్రేక్షకులను కట్టిపడేసింది. బుల్లితెర నుంచి తన కెరీర్ను ప్రారంభించిన అభిరామి.. టెలివిజన్ వ్యాఖ్యాతగా మంచి గుర్తింపు తెచ్చుకుంది. మలయాళం, కన్నడ, తమిళ భాషల్లో ఎక్కువ సినిమాలు చేసిన అభిరామి.. తెలుగులో మాత్రం చాలా తక్కువ చిత్రాల్లోనే నటించింది. చెప్పవే చిరుగాలి తర్వాత ఆమె తెలుగు తెరపై మళ్లీ కనిపించలేదు. 2004లో సినిమాలకు పూర్తిగా దూరమైన అభిరామి.. తిరిగి మళ్లీ 10 ఏళ్లకు ఓ మలయాళ చిత్రంలో ఇండస్ట్రీకి రీ-ఎంట్రీ ఇచ్చింది.
‘కథాపురుషన్’ అనే మలయాళ సినిమాతో బాలనటిగా వెండితెరకు పరిచయమైంది అభిరామి. ఆ తరువాత, పత్రం, న్జంగల్ సంతుస్తరను , మెర్కారా, శ్రద్ధ, మిలీనియం స్టార్స్ , మెలెవర్యతే మలఖక్కుట్టికల్ , మేఘసందేశం వంటి మలయాళ సినిమాలతో తనకంటూ మంచి గుర్తింపు సంపాదించింది. ఆ తర్వాత కన్నడంలో రక్తకన్నీరు, లాలి హాడు వంటి చిత్రాలు.. తమిళంలో మిడిల్ క్లాస్ మాధవన్ , చార్లీ చాప్లిన్, దోస్త్, కర్మేఘమం లాంటి సినిమాల్లో నటించింది.
తెలుగులో మాత్రం ఆమె చేసింది తక్కువ చిత్రాలే. చెప్పవే చిరుగాలి సినిమా అభిరామికి మంచి పేరు తెచ్చిపెట్టగా.. దాని కంటే ముందు ‘థాంక్యూ సుబ్బారావు’, ‘చార్మినార్’ చిత్రాలు చేసింది. ఇక మళ్లీ 2018లో టాలీవుడ్కు రీ-ఎంట్రీ ఇచ్చి రవితేజ “అమర్ అక్బర్ ఆంటోని” సినిమాలో క్యారక్టర్ ఆర్టిస్ట్గా నటించింది. కాగా, నటిగా మాత్రమే కాదు డబ్బింగ్ ఆర్టిస్ట్గా అభిరామికి మంచి పేరు ఉంది. ‘విశ్వరూపం’, ‘విశ్వరూపం 2’ సినిమాలలో హీరోయిన్ పూజ కుమార్కు తమిళంలో డబ్బింగ్ చెప్పింది అభిరామి. తాజాగా ఆమె ఫోటోలు ఇంటర్నెట్లో వైరల్ అవుతున్నాయి. మీరూ ఓ లుక్కేయండి.
View this post on Instagram
