Pokiri Movie: పోకిరి సినిమాను ఆ హీరో కోసం రాసుకున్న పూరి జగన్నాథ్.. చివరకు మహేష్‏తో ఎందుకు చేశారంటే..

సూపర్ స్టార్ మహేష్ బాబు కెరీర్‏ను మలుపు తిప్పిన సినిమా పోకిరి. డైనమిక్ డైరెక్టర్ పూరి జగన్నాథ్ తెరకెక్కించిన ఈ మూవీ అప్పట్లో బ్లాక్ బస్టర్ హిట్‏గా నిలిచింది. 28 ఏప్రిల్ 2006న ఈ మూవీ గ్రాండ్‏గా రిలీజ్ అయ్యి వసూళ్ల పరంగా రికార్డ్స్ సృష్టించింది. రూ. 10 కోట్ల బడ్జెట్‏తో నిర్మించిన ఈ సినిమా రూ. 70 కోట్ల గ్రాస్.. రూ. 40 కోట్ల షేర్ సాధించి ఆల్ టైమ్ ఇండస్ట్రీ హిట్ గా నిలిచింది. ఈ సినిమా రిలీజై నేటికి 18 సంవత్సరాలు పూర్తి చేసుకుంది. ఈ సందర్భంగా పోకిరి సినిమా గురించి కొన్ని ఆసక్తికర విషయాలు మీకోసం. మాస్ యాక్షన్ ఎంటర్టైనర్ గా వచ్చిన ఈ మూవీలో మహేష్ సరసన ఇలియానా నటించింది. అలాగే షాయాజీ షిండే, ఆశీష్ విధ్యార్థి, బ్రహ్మానందం, అలీ, నాజర్, అజయ్ కీలకపాత్రలలో నటించారు. అయితే నిజానికి ఈ సినిమా కథను పూరి మహేష్ బాబు కోసం రాసుకోలేదంట. పోకిరి సినిమా 2006లో రిలీజ్ కాగా.. ఆ కథను రాసుకుంది మాత్రం అంతకు ఆరేళ్ల ముందుగానే.

పూరి తన తొలి చిత్రం బద్రి కన్నా ముందే ఈ సినిమా స్క్రిప్ట్ రాసుకున్నారట. ఇక ఈ మూవీ కోసం హీరోలుగా పవన్ కళ్యాణ్, రవితేజలను అనుకున్నారట. అలాగే ఈ చిత్రానికి ఉత్తమ్ సింగ్, సన్నాఫ్ సూర్య నారాయణ అనే టైటిల్స్ ఫిక్స్ చేసుకున్నారట. కానీ అనుకోని కారణాల వల్ల ఈ సినిమా కార్యరూపం దాల్చలేదని..ఆ తర్వాత మహేష్ కోసం ఈ స్క్రిప్ట్ లో కొన్ని మార్పులు చేసి పోకిరి పేరుతో ఈ సినిమాను రిలీజ్ చేశారట పూరి. అలాగే ఈ సినిమాకు మహేష్ సరసన అనుకున్న హీరోయిన్ ఇలియానా కూడా కాదు..ఆ స్థానంలో సూపర్ హిరోయిన్ అయేషా టకియాను సెలక్ట్ చేసుకున్నారని.. కానీ ఆమె ఆ పాత్రను వదులకోవడంతో బాలీవుడ్ బ్యూటీ కంగనా రనౌత్ సెలక్ట్ అయ్యింది.

కానీ అదే సమయంలో బాలీవుడ్ సినిమా గ్యాంగ్ స్టర్ మూవీకి కూడా అడిషన్స్ జరగడంతో.. ఈ రెండు చిత్రాల్లో సెలక్ట్ అయ్యింది. అయితే కేవలం ఒక సినిమా మాత్రమే చేయాలని కండీషన్ ఉండడంతో కంగనా పోకిరి చిత్రాన్ని వదులుకుంది. ఇక ఆ తర్వాత దేవదాసు బ్యూటీ ఇలియానకు ఈ అవకాశం వచ్చింది. ఈ సినిమా తర్వాత మహేష్, పూరి కాంబోలో వచ్చిన బిజినెస్ మెన్ సినిమా కూడా బ్లాక్ బస్టర్ హిట్ అయ్యింది.

మరిన్ని సినిమా వార్తల కోసం ఇక్కడ క్లిక్ చేయండి.