RRR Movie: న్యూయార్క్లో ఆర్ఆర్ఆర్ హావా.. జక్కన్న ఖాతాలో మరో ప్రతిష్టాత్మక అవార్డ్..
మెగా పవర్ స్టార్ రామ్ చరణ్.. యంగ్ టైగర్ ఎన్టీఆర్ కలిసి నటించిన ఈ సినిమా బాక్సాఫీస్ వద్ద రికార్డ్స్ క్రియేట్ చేసింది. కేవలం మన దేశంలోనే కాకుండా.. విదేశాల్లోనూ సత్తా చాటింది. ముఖ్యంగా అమెరికాలో ట్రిపుల్ ఆర్ హావా కొనసాగుతుంది.
Updated on: Dec 03, 2022 | 9:26 PM
ప్రస్తుతం ప్రపంచం మొత్తం టాలీవుడ్ వైపు చూస్తుంది. బాహుబలి సినిమాతో తెలుగు సినిమా స్థాయిని పెంచిన జక్కన్న.. ఇప్పుడు ఆర్ఆర్ఆర్ చిత్రంతో హాలీవుడ్ డైరెక్టర్స్ను ఫిదా చేశారు. మెగా పవర్ స్టార్ రామ్ చరణ్.. యంగ్ టైగర్ ఎన్టీఆర్ కలిసి నటించిన ఈ సినిమా బాక్సాఫీస్ వద్ద రికార్డ్స్ క్రియేట్ చేసింది. కేవలం మన దేశంలోనే కాకుండా.. విదేశాల్లోనూ సత్తా చాటింది. ముఖ్యంగా అమెరికాలో ట్రిపుల్ ఆర్ హావా కొనసాగుతుంది. ఇప్పటికే అక్కడ విడుదలై భారీ వసూళ్లు రాబట్టిన ఈ సినిమా.. జపాన్లోనూ రికార్డ్స్ లను తిరగరాసింది. ఈ సినిమాతో పాన్ ఇండియన్ పితామహుడనే నామ్ కమాయించారు జక్కన్న. ఇండియాన్ డైరెక్టర్లలో.. నెంబర్ 1 తనే అనే టాక్ తెచ్చుకున్నారు. డైరెక్టర్లందరూ తననే ఫాలో అయ్యేలా కూడా చేసుకున్నారు. ఇక ఇప్పుడు ఏకంగా ఓ ఇంటర్నేషనల్ అవార్డునే అందుకున్నారు మన జక్కన్న.
ఇండియన్ టిపికల్ ఎమోషన్ను… ఇద్దరి మధ్య ఉన్న దోస్తీనీ ఎంతో ఎమోషనల్గా లార్జర్ దెన్ లైఫ్గా.. ట్రిపుల్ ఆర్ సినిమాలో చూపించిన జక్కన్న… ఆ సినిమాతో హాలీవుడ్లోనే డైరెక్టర్గా గుర్తింపు తెచ్చుకున్నారు. తన ట్యాలెంట్తో.. హాలీవుడ్లో విపరీతంగా బజ్ చేశారు. తనకంటూ ఫ్యాన్స్ ను సంపాదించుకున్నారు. ఇక తాజాగా న్యూయార్క్ క్రిటిక్స్ ఇచ్చే అవార్డ్స్లలో బెస్ట్ డైరెక్టర్గా అవార్డు అందుకున్నారు రాజమౌళి. అందుకోవడమే కాదు… ఈ అవార్డుతో.. తెలుగు వాన్ని ట్యాలెంట్ ఏంటో.. మరోసారి ప్రపంచానికి చూపించారు. తెలుగు ఫిల్మ్ ఇండస్ట్రీని కాలర్ ఎగరేసేలా చేశారు.
న్యూయార్క్ ఫిల్మ్ క్రిటిక్స్ సర్కిల్ 1935లో స్థాపించారు. ఇందులో సినీ పరిశ్రమలో ఉత్తమ ప్రతిభ కనబరిచిన వారికి ఈ అవార్డులను అందజేస్తారు. ఇక ఆర్ఆర్ఆర్ చిత్రం ఇప్పటికే శాటర్న్, సన్ సెట్ సర్కిల్ వంటి పలు అంతర్జాతీయ అవార్డులు అందుకుంది. మరోవైపు ఆస్కార్ బరిలోనూ పోటీ పడుతుంది.
