Pawan Kalyan: ఏపీ సీఎం పవన్ కల్యాణ్ నా బెస్ట్ ఫ్రెండ్ అని చెప్పుకునే రోజు కోసం ఎదురుచూస్తున్నా: ఎస్ జే సూర్య
ఓవైపు సినిమాలు.. మరోవైపు రాజకీయాలు.. ఇలా రెండు పడవల మీద అలుపెరగని ప్రయాణం చేస్తున్నాడు పవర్ స్టార్ పవన్ కల్యాణ్. టాలీవుడ్లో వన్ ఆఫ్ది టాప్ హీరోగా చెలామణి అవుతోన్న ఆయన జనసేన పార్టీ అధిపతిగా ఆంధ్రప్రదేశ్ రాజకీయాల్లోనూ క్రియాశీలక పాత్ర పోషిస్తున్నారు.
Updated on: Mar 11, 2023 | 6:23 PM
ఓవైపు సినిమాలు.. మరోవైపు రాజకీయాలు.. ఇలా రెండు పడవల మీద అలుపెరగని ప్రయాణం చేస్తున్నాడు పవర్ స్టార్ పవన్ కల్యాణ్. టాలీవుడ్లో వన్ ఆఫ్ది టాప్ హీరోగా చెలామణి అవుతోన్న ఆయన జనసేన పార్టీ అధిపతిగా ఆంధ్రప్రదేశ్ రాజకీయాల్లోనూ క్రియాశీలక పాత్ర పోషిస్తున్నారు. ఇదిలా ఉంటే పవన్ సినిమాల్లోకి అడుగుపెట్టి నేటి (మార్చి 11)తో 27 సంవత్సరాలు పూర్తయ్యాయి. అలాగే జనసేన పార్టీ ఆవిర్భవించి ఈనెల 14 నాటికి 9 ఏళ్లు పూర్తి కానున్నాయి. ఈ రెండు సందర్భాలను పురస్కరించుకుని వివిధ రంగాలకు చెందిన పలువురు దర్శక నిర్మాతలు పవన్కు శుభాకాంక్షలు, అభినందనలు తెలియజేస్తున్నారు. ఈ క్రమంలో దర్శకేంద్రుడు రాఘవేంద్రరావు, స్టార్ ప్రొడ్యూసర్ ఏ.ఎం. రత్నం రిలీజ్ చేసిన వీడియోలు సోషల్ మీడియాలో వైరల్గా మారాయి. తాజాగా పవన్తో ఖుషీ వంటి బ్లాక్ బస్టర్ సినిమాను తెరకెక్కించిన డైరెక్టర్ కమ్ యాక్టర్ ఎస్.జె.సూర్య పవన్కు అభినందనలు, శుభాకాంక్షలు తెలిపాడు. అదే సమయంలో ఆంధ్రప్రదేశ్ సీఎంగా పవన్ను చూడాలని ఉందంటూ ఆసక్తికర వ్యాఖ్యలు చేశాడు. దీనికి సంబంధించిన వీడియోను జనసేన ట్విట్టర్లో షేర్ చేసింది. ప్రస్తుతం ఇది సోషల్ మీడియాలో వైరల్గా మారింది.
‘ 27 ఏళ్ల పవనిజం.. పవన్ కల్యాణ్.. ఇట్ జస్ట్ నాట్ ఏ నామ్.. మిలియన్ల కొద్దీ అభిమానులకు, ఈ దేశానికి ఎంతో నమ్మకం విశ్వాసం పవన్ కల్యాణ్ అంటే. ఆయన వెండి తెరపైనే కాదు.. జనాల్లో కూడా హీరోనే. ఆయన గ్రేట్ పొలిటికల్ లీడర్. సినిమా ఇండస్ట్రీకి 27 ఏళ్ల పాటు సేవలందించారు. అలాగే జనసేన అధిపతిగా 10 ఏళ్లుగా పనిచేస్తున్నారు. ప్రజల కోసం పవన్ చేసే పోరాటం చరిత్రలో నిలిచిపోతుంది. ఇక ఆంధ్రప్రదేశ్ ముఖ్యమంత్రి పవన్ కల్యాణ్ నా బెస్ట్ ఫ్రెండ్ అని గర్వంగా చెప్పుకునే రోజు కోసం చాలామంది లాగే నేను ఎంతగానో ఎదురుచూస్తున్నాను’ అని వీడియోలో చెప్పుకొచ్చాడు సూర్య. ప్రస్తుతం ఈ వీడియో సామాజిక మాధ్యమాల్లో వైరల్గా మారింది. కాగా పవన్- ఎస్.జే. సూర్య కాంబినేషన్లో ఖుషీ అనే సినిమా వచ్చింది. ఇది ఇండస్ట్రీ రికార్డులను తిరగేసింది. అయితే ఇదే కాంబినేషన్లో వచ్చిన కొమరం పులి మాత్రం డిజాస్టర్గా నిలిచింది. అయితే వీరిద్దరి మధ్య సినిమాలకు మించిన స్నేహముంది. దీనిని నిరూపిస్తూ పలు సందర్భాల్లో పవన్పై తన అభిమానాన్ని చాటుకున్నాడు ఎస్జే సూర్య.
దిగ్విజయభేరి !
శ్రీ పవన్ కళ్యాణ్ గారి 27 ఏళ్ల సినీ ప్రస్థానం, జనసేన 10వ ఆవిర్భావ దినోత్సవం గురించి దర్శకుడు,నటుడు శ్రీ ఎస్.జె. సూర్య గారు
Director,Actor @iam_SJSuryah garu abt 27 years of Sri #PawanKalyan garu’s film career & JanaSena’s 10th formation day#27YearsOfPawanKalyan pic.twitter.com/mgAcQV5rdh
— JanaSena Party (@JanaSenaParty) March 10, 2023
మరిన్ని ఎంటర్టైన్మెంట్ వార్తల కోసం క్లిక్ చేయండి..
