Ranga Maarthanda teaser: ఆసక్తికరంగా ‘రంగ మార్తాండ’ టీజర్ … నేనొక నటుడిని అంటూ చిరు వాయిస్‏తో..

విలక్షణ నటుడు ప్రకాష్ రాజ్, రమ్యకృష్ణ, బ్రహ్మానందం ప్రధాన పాత్రలలో నటిస్తోన్న చిత్రం రంగమార్తాండ. చాలా కాలం తర్వాత డైరెక్టర్ కృష్ణవంశీ తెరకెక్కిస్తోన్న ఈ సినిమాపై ఇప్పటికే అంచనాలు నెలకొన్నాయి. మైత్రీ మూవీ మేకర్స్ సమర్పణలో కాలిపు మధు, ఎస్.వెంకట్ రెడ్డి కలిసి నిర్మించిన ఈ సినిమా మార్చి 22న ప్రేక్షకుల ముందుకు రానుంది. ఇప్పటికే ఈ సినిమా ప్రచార కార్యక్రమాలు ప్రారంభించారు మేకర్స్. ఈ సందర్భంగా శనివారం సాయంత్రం ఈ సినిమా టీజర్ రిలీజ్ చేసింది చిత్రయూనిట్. నేను ఒక నటుడిని అంటూ చిరంజీవి వాయిస్‏తో ఈ టీజర్ మొదలవ్వగా.. ప్రకాష్ రాజ్‏ను సన్మానిస్తూ వీడియో స్టార్ట్ అయ్యింది.

“రేయ్.. నువ్వు ఒక చెత్త నటుడివిరా.. మనిషిగా అంతకంటే నీచుడివిరా ” అంటూ బ్రహ్మానందం చెప్పే డైలాగ్ మరింత ఆసక్తిని పెంచుతోంది. ‘నేను సహస్త్ర రూపాల్లో సాక్షాత్కారించిన నటరాజు విరాట స్వరూపాన్ని.. రంగమార్తాండ రాఘవరావుని’ అంటూ ప్రకాష్ రాజ్ చెప్పే డైలాగ్ తో టీజర్ అదిరిపోయింది.

ఇప్పటికే ఈ సినిమాలో ప్రిమియర్ షో చూసినవాళ్లు డైరెక్టర్ కృష్ణవంశీ పై ప్రశంసలు కురిపించారు. ప్రతి ప్రేక్షకుడిని హృదయాన్ని తాకేలా ఈ చిత్రాన్ని తెరకెక్కించారంటూ విమర్శకులు సైతం పొగిడారు. ఈ చిత్రంలో రాహుల్ సిప్లిగంజ్, అనసూయ భరద్వాజ్, ఆదర్శ్ బాలకృష్ణ, శివాత్మిక రాజశేఖర్ కీలకపాత్రలు పోషించగా.. ఇళయరాజా సంగీతం అందించారు.

ఇవి కూడా చదవండి

మరిన్ని సినిమా వార్తల కోసం ఇక్కడ క్లిక్ చేయండి.