Krishna Vamsi: ‘రమ్యకృష్ణతో ఆ సీన్ చేస్తున్నప్పుడు గుండె రాయి చేసుకున్న’.. కృష్ణవంశీ కంటతడి..

క్రియేటివ్ డైరెక్టర్ కృష్ణవంశీ రూపొందిస్తోన్న లేటేస్ట్ చిత్రం రంగమార్తండ. చాలా గ్యాప్ తర్వాత ఆయన తెరెక్కిస్తోన్న ఈ మూవీ పై ఇప్పటికే అందరిలోనూ క్యూరియాసిటీ పెరిగిపోయింది. ఇందులో రమ్యకృష్ణ, ప్రకాష్ రాజ్, బ్రహ్మనందం ప్రధాన పాత్రలు పోషించారు. అన్ని కార్యక్రమాలు పూర్తిచేసుకున్న ఈ సినిమా మార్చి 22న ప్రేక్షకుల ముందుకు రానుంది. ఇప్పటికే ప్రీమియర్ షోస్ చూసిన సినీ ప్రముఖులు సినిమాపై పాజిటివ్ రివ్యూ ఇస్తున్నారు. నటీనటులు.. కృష్ణవంశీ టేకింగ్ పై ప్రశంసలు కురిపిస్తున్నారు. అందరి హృదయాలను కృష్ణవంశీ టచ్ చేసారంటూ కామెంట్స్ చేస్తున్నారుు. ఈ క్రమంలో ఈ సినిమా ప్రచార కార్యక్రమాల్లో భాగంగా ఓ ఇంటర్వ్యూలో పాల్గొన్న కృష్ణవంశీ రమ్యకృష్ణ పాత్రను ఉద్దేశిస్తూ ఆసక్తికర కామెంట్స్ చేశారు.

“ఇందులో రమ్యకృష్ణ పాత్రను చాలా పవర్ ఫుల్ గా డిజైన్ చేశాను. మా ఇంట్లో ఏ నిర్ణయమైనా నా భార్యే తీసుకుంటుంది. ఒకవేళ రమ్య లేనప్పుడు మేము నిర్ణయం తీసుకున్నా దానిలో మార్పులు చేర్పులు చేయమని సూచిస్తుంటుంది. కానీ నేను పెద్దగా పట్టించుకోను. రమ్యకు శక్తివంతమైన కళ్లు ఉన్నాయి. అరుపులు, కేకలు కాకుండా కళ్లతోనే నటించాలి అని చెప్పగానే ఈ సినిమా చేసేందుకు ఒప్పుకుంది. తన మేకప్, హెయిర్ స్టైల్ తనే చేసుకుంది. తనెప్పుడు ఒక విజన్ తో ముందుకెళ్తుంది.

క్లైమాక్స్‏లో ఒక సీన్ ను ఆమెపై షూట్ చేయడానికి చాలా ఇబ్బంది పడ్డాను. నిజానికి ఆ సీన్ రాస్తున్నప్పుడే చాలా బాధ కలిగింది. దాదాపు 36 గంటలపాటు షూట్ జరిగింది. తనను ఆ సన్నివేశంలో చిత్రీకరించేందుకు సెంటిమెంట్ అడ్డొచ్చింది. కానీ తప్పుకదా.. షూటింగ్ చేస్తున్న సమయంలో కన్నీళ్లు వస్తూనే ఉన్నాయి. ఆ రాత్రి నేను సరిగా నిద్రపోలేకపోయాను. ఒకరకంగా చెప్పాలంటే గుండె రాయి చేసుకుని షూటింగ్ చేశాను” అంటూ కృష్ణవంశీ ఎమోషనల్ అయ్యారు.

మరిన్ని సినిమా వార్తల కోసం ఇక్కడ క్లిక్ చేయండి.