Game Changer: దిల్ రాజు మాస్టర్ ప్లాన్.. గేమ్ చెంజర్ ప్రీ రిలీజ్ ఈవెంట్‌కు గెస్ట్‌గా పవన్ కళ్యాణ్.?

గ్లోబల్ స్టార్ రామ్ చరణ్ నటిస్తున్న లేటెస్ట్ మూవీ గేమ్ చెంజర్. ఈ సినిమా కోసం అభిమానులు ఎంతో ఈగర్ గా ఎదురుచూస్తున్నారు. టాప్ దర్శకుడు శంకర్ దర్శకత్వంలో తెరకెక్కిన ఈ సినిమా ఎలా ఉంటుందా అని ఆతృతగా ఎదురుచూస్తున్నారు ఫ్యాన్స్. కాగా ఈ సినిమాను జనవరి 10న గ్రాండ్ గా రిలీజ్ చేయనున్నారు. గేమ్ చేంజర్.. తెలుగు రాష్ట్రాల్లో ఇప్పుడిదే హాట్ టాపిక్. ఇప్పటికే విడుదలైన ఈ సినిమా పోస్టర్స్, టీజర్, సాంగ్స్ సినిమా పై అంచనాలను ఆకాశానికి చేర్చాయి. ఇక ఈ సినిమా విడుదల దగ్గర పడటంతో సినిమా ప్రమోషన్స్ స్పీడ్ పెంచేశారు. ఇటీవలే అమెరికాలో ఈ సినిమా ప్రమోషన్స్ మొదలు పెట్టారు. తాజాగా ఈ సినిమా ప్రీ రిలీజ్ ఈవెంట్ ను భారీగా ప్లాన్ చేస్తున్నారు మేకర్స్.

రిలీజ్, ప్రీ రిలీజ్‌పై చర్చించేందుకు ఏపీ డిప్యూటీ సీఎంతో భేటీ అయ్యారు స్టార్ ప్రొడ్యూసర్ దిల్ రాజు.  అమరావతిలో ఏపీ డిప్యూటీ సీఎం పవన్‌తో భేటీ అయ్యారు సినీ నిర్మాత దిల్ రాజు. గేమ్ చేంజర్ మూవీ ప్రీ రిలీజ్ ఈవెంట్‌కు పవన్‌ను దిల్‌ రాజు ఆహ్వానించారు దిల్ రాజు. అలాగే గేమ్ చేంజర్ సినిమా టికెట్ రేట్ల పంపుపై చర్చించారు. ప్రీ రిలీజ్ వేడుకకు విజయవాడలో సినిమా యూనిట్ ఏర్పాట్లు చేస్తోంది.

జనవరి 10న ప్రేక్షకుల ముందుకు రాబోతుంది గేమ్ చేంజర్. ఈ భేటీలో చిత్ర పరిశ్రమకు సంబంధిన వివిధ అంశాలపై చర్చించినట్లు తెలుస్తోంది. పుష్ప 2 సినిమా విడుదల సందర్భంగా తెలంగాణలో చోటు చేసుకున్న పరిణామాలు కూడా ఇద్దరి మధ్య చర్చకు వచ్చినట్లు తెలుస్తోంది. గేమ్ చెంజర్ సినిమాలో రామ్ చరణ్ కు జోడీగా కియార అద్వానీ హీరోయిన్ గా నటిస్తుంది. అలాగే ఈ సినిమాలో అంజలి సెకండ్ హీరోయిన్ గా చేస్తుంది. అలాగే శ్రీకాంత్, సునీల్, ఎస్ జే సూర్య కీలక పాత్రలో నటిస్తున్నారు. ఈ సినిమా పాన్ ఇండియా లెవల్ లోనే కాదు గ్లోబల్ లెవల్ లో రిలీజ్ చేయనున్నారు. మరి ఈ సినిమా ఎలాంటి విజయం సాధిస్తుందో చూడాలి.

మరిన్ని సినిమా వార్తల కోసం ఇక్కడ క్లిక్ చేయండి.