Gangulu Song: మానస్.. విష్ణుప్రియ ‘గంగులు’ ఫోక్ సాంగ్ రిలీజ్.. మాస్ స్టెప్పులతో అదరగొట్టేశారుగా..
గతంలో యాంకర్ విష్ణుప్రియ, మానస్ కలిసి నటించిన జరీ జరీ పంచెకట్టు ఫోక్ సాంగ్కు మంచి రెస్పాన్స్ వచ్చిన సంగతి తెలిసిందే. విడుదలైన గంటల్లోనే మిలియన్ వ్యూస్ అందుకుని ట్రెండ్ అయ్యింది. ఇక ఇప్పుడు మరోసారి జానపద పాటతో అదుర్స్ అనిపించుకున్నారు వీరిద్దరు.
Updated on: Apr 12, 2023 | 8:49 AM
ప్రస్తుతం సోషల్ మీడియాలో ఫోక్ సాంగ్స్ హవా ఏ రేంజ్లో ఉందో చెప్పక్కర్లేదు. తెలంగాణ జానపద పాటలకు ప్రపంచవ్యాప్తంగా గుర్తింపు వస్తోంది. ఇప్పటివరకు సాధారణ ప్రజలు ఆడిపాడిన పాటలకు ఇప్పుడు సెలబ్రెటీలు సైతం స్టెప్పులేస్తున్నారు. అటు సినిమాల్లోనూ జానపద పాటలకే పట్టకడుతున్నారు. పూర్తిగా తెలంగాణ యాసలో వచ్చిన సినిమాల్లోని ఫోక్స్ సాంగ్స్ నెట్టింటిని షేక్ చేస్తున్నాయి. అటు సినిమాల్లోనే కాదు.. బుల్లితెర స్టార్స్ సైతం ఈ పాటలతో మెప్పించేందుకు సిద్ధమవుతున్నారు. ఈ క్రమంలోనే గతంలో యాంకర్ విష్ణుప్రియ, మానస్ కలిసి నటించిన జరీ జరీ పంచెకట్టు ఫోక్ సాంగ్కు మంచి రెస్పాన్స్ వచ్చిన సంగతి తెలిసిందే. విడుదలైన గంటల్లోనే మిలియన్ వ్యూస్ అందుకుని ట్రెండ్ అయ్యింది. ఇక ఇప్పుడు మరోసారి జానపద పాటతో అదుర్స్ అనిపించుకున్నారు వీరిద్దరు. తాజాగా బిగ్ బాస్ ఫేమ్ మానస్.. విష్ణు ప్రియ కలిసి గంగులు అనే జానపద పాట చేయగా.. మంగళవారం ఈ పాట రిలీజ్ అయ్యింది.
ప్రస్తుతం ఈ సాంగ్ యూట్యూబ్లో అదరగొడుతోంది. ఈపాటకు మాసన్, విష్ణుప్రియ అదిరిపోయే స్టెప్పులతో ఆకట్టుకున్నారు. ఈ పాటకు భీమ్స్ సిసిరిలియో సంగీతం అందించగా.. జానీ మాస్టర్ శిష్యురాలు శ్రష్టి వర్మ నృత్య దర్శకత్వం వహించారు. ఈ పాట విడుదల కార్యక్రమానికి ముఖ్య అతిథులుగా ప్రముఖ కొరియోగ్రాఫర్ జానీ మాస్టర్, పద్మిని నాగులపల్లి, నిర్మాత జయతి పాల్గొన్నారు.
విడుదలైన క్షణాల్లోనే ఈ పాటకు మంచి రెస్పాన్స్ వస్తుంది. ఇక మానస్, విష్ణుప్రియ మాస్ స్టెప్పులతో మరోసారి అదరగొట్టారు. ఈ పాటకు తరుణ్ సైదులు లిరిక్స్ రాయగా.. స్వరాజ్ కీర్తన్ వినసొంపుగా పాడాడు. ప్రస్తుతం ఈ సాంగ్ సోషల్ మీడియాలో తెగ రచ్చ చేస్తుంది.
మరిన్ని సినిమా వార్తల కోసం ఇక్కడ క్లిక్ చేయండి.
