Kushi Movie: సమంత.. విజయ్ల సినిమాకు ‘ఖుషి’ అని పేరు పెట్టాడానికి కారణమదే.. డైరెక్టర్ శివ ఆసక్తికర కామెంట్స్..
అసిస్టెంట్ డైరెక్టర్ గా కెరీర్ ప్రారంభించి.. నిన్ను కోరి సినిమాతో దర్శకుడిగా గుర్తింపు తెచ్చుకున్న శివ..ఇప్పుడు మరోసారి ఖుషి సినిమాతో ప్రేక్షకులను పలకరించనున్నారు. ఈ క్రమంలోనే తాజాగా ఓ ఇంటర్వ్యూలో పాల్గొన్న ఆయన.. ఈ సినిమాకు ఖుషి అని టైటిల్ పెట్టడానికిగల కారణాలను తెలియజేశారు.
స్టార్ హీరోయిన్ సమంత ప్రస్తుతం శాకుంతలం సినిమా ప్రమోషన్లలో బిజీగా ఉన్న సంగతి తెలిసిందే. డైరెక్టర్ గుణశేఖర్ తెరకెక్కించిన శకుంతల, దుష్యంతుల ప్రేమకథ ఏప్రిల్ 14న రిలీజ్ కానుంది. ఇప్పటికే ఈ సినిమాపై ఆసక్తి నెలకొంది. ఈ మూవీతోపాటు.. సామ్ నటిస్తోన్న మరో చిత్రం ఖుషి. డైరక్టర్ శివ నిర్వాణ దర్శకత్వం వహిస్తున్న ఈ మూవీలో సమంత, విజయ్ దేవరకొండ జంటగా నటిస్తున్నారు. గత కొద్ది రోజులుగా ఈ మూవీ షూటింగ్ శరవేగంగా జరుగుతుంది. అసిస్టెంట్ డైరెక్టర్ గా కెరీర్ ప్రారంభించి.. నిన్ను కోరి సినిమాతో దర్శకుడిగా గుర్తింపు తెచ్చుకున్న శివ..ఇప్పుడు మరోసారి ఖుషి సినిమాతో ప్రేక్షకులను పలకరించనున్నారు. ఈ క్రమంలోనే తాజాగా ఓ ఇంటర్వ్యూలో పాల్గొన్న ఆయన.. ఈ సినిమాకు ఖుషి అని టైటిల్ పెట్టడానికిగల కారణాలను తెలియజేశారు.
ఖుషి సినిమా షూటింగ్ దాదాపు పూర్తయిందని అన్నారు. సమంత మయోసైటిస్ సమస్య నుంచి కోలుకోవడం కోసం నాలుగు నెలుల షూటింగ్ వాయిదా వేశామని.. ఇటీవల కశ్మీర్ లో 30 రోజుల షెడ్యూల్ను పూర్తిచేశామని అన్నారు. “హైదరాబాద్ లోనూ కొన్ని కీలక సన్నివేశాలు చిత్రీకరించాం.. మజిలీ సమయంలో సమంతతో కలిసి పనిచేశాను.. ఖుషి కథ రాయగానే నా మనసులోకి వచ్చిన తొలి ఆలోచన సమంతనే అని.. ఆమె అయితేనే ఈ పాత్రకు న్యాయం చేయగలదని అనిపించిందని.. అందుకు తనను ఎంపిక చేశాను. విజయ్ దేవరకొండ ఈ సినిమాలో తన పాత్రకు జీవం పోశాడు. ఖుషిలో సమంత.. విజయ్ దేవరకొండ మధ్య కెమిస్ట్రీ అందరినీ ఆకట్టుకుంటుంది ” అంటూ చెప్పుకొచ్చారు.
అలాగే.. ఖుషి చిత్రంలో హాస్యం, భావోద్వేగాలు ప్రేక్షకుల హృదయాలకు హత్తుకుంటాయని… గతంలో విడుదలైన పవన్ కళ్యాణ్ ఖుషి చిత్రంలాగే ఫీల్ గుడ్ మూవీగా ఎంతో ప్రేక్షకాధరణ పొందింది.. ఈ సినిమా కూడా అంతే ఫీల్ ఉంటుందని.. అందుకే ఈసినిమాకు ఖుషి అని టైటిల్ ఫిక్స్ చేసినట్లు చెప్పారు డైరెక్టర్ శివ.
మరిన్ని సినిమా వార్తల కోసం ఇక్కడ క్లిక్ చేయండి.
