Swathi Muthyam Glimpse: బెల్లంకొండ చిన్నబాబు సంక్రాంతి ట్రీట్.. స్వాతి ముత్యం నుంచి ఫస్ట్ గ్లిమ్స్..
టాలీవుడ్ బడా ప్రొడ్యూసర్ బెల్లంకొండ సురేష్ బాబు కొడుకు బెల్లంకొండ శ్రీనివాస్ హీరోగా రాణిస్తున్న విషయం తెలిసిందే..
Updated on: Jan 15, 2022 | 4:14 PM
Ganesh Bellamkonda : టాలీవుడ్ బడా ప్రొడ్యూసర్ బెల్లంకొండ సురేష్ బాబు కొడుకు బెల్లంకొండ శ్రీనివాస్ హీరోగా రాణిస్తున్న విషయం తెలిసిందే. అల్లు శ్రీను సినిమాతో హీరోగా పరిచయమైన శ్రీనివాస్ హిట్లు ఫ్లాప్ లతో సంబంధం లేకుండా వరుసగా సినిమాలు చేస్తూ దూసుకుపోతున్నాడు. ఈ క్రమంలోనే ఇప్పుడు బాలీవుడ్ లోకి అడుగు పెడుతున్నాడు. తెలుగులో సూపర్ హిట్ అయిన ఛత్రపతి సినిమాను హిందీలో రీమేక్ చేస్తున్నాడు శ్రీనివాస్. అంతే కాకుండా టైగర్ నాగేశ్వరరావు జీవిత కథ ఆధారంగా `స్టూవర్ట్ పురం దొంగ` పేరుతో రూపొందుతున్న బయోపక్ లోనూ నటిస్తున్నాడు. ఇక ఇప్పుడు బెల్లంకొండ సురేష్ చిన్న కొడుకు గణేష్ బాబు హీరోగా ఎంట్రీ ఇవ్వనున్నాడు. బెల్లంకొండ గణేష్ బాబు హీరోగా స్వాతి ముత్యం అనే సినిమా తెరకెక్కుతోంది. ఈ సినిమాలో గణేష్ కు జోడీగా వర్ష బొల్లమ్మ నటిస్తుంది.
సితార ఎంటర్టైన్ మెంట్స్ బ్యానర్ పై సూర్యదేవర నాగవంశీ ఈ మూవీని నిర్మిస్తున్నారు. ఫ్యామిలీ ఎంటర్ టైనర్ గా రూపొందుతున్న ఈ మూవీ ద్వారా లక్ష్మణ్ కె. కృష్ణ దర్శకుడిగా పరిచయం అవుతున్నారు. ప్రేమ పెళ్లి జీవితం విషయంలో విభిన్నమైన ఆలోచనలున్న ఓ యువకుడి కథతో ఈ సినిమాను తెరకెక్కిస్తున్నారని తెలుస్తుంది. తాజాగా సంక్రాంతి సందర్భంగా ఈ సినిమా ఫస్ట్ గ్లిమ్ప్స్ ను విడుదల చేశారు. ఈ సినిమాలో అందమైన ప్రేమకథను చూపించనున్నారని అర్ధమవుతుంది. ఈ సినిమాలో బెల్లంకొండ గణేష్ బాలమురళిగానూ వర్ష బొల్లమ్మ భాగ్యలక్ష్మి గానూ కనిపించబోతున్నారు. ఈ సినిమాకు సంబంధించిన మరిన్ని వివరాలు త్వరలోనే తెలియజేయనున్నారు మేకర్స్. మరి ఈ సినిమా ప్రేక్షకుల అలా ఆకట్టుకుంటుందో చూడాలి.
మరిన్ని ఇక్కడ చదవండి :
Pushpa: The Rise: అల్లు అర్జున్ పుష్ప పై ఆసక్తికర కామెంట్స్ చేసిన దళపతి విజయ్ డైరెక్టర్..
Raasi: ఆ సీన్ చేయడం ఇష్టం లేకనే బాలయ్య సినిమాకు నో చెప్పాను.. సమరసింహారెడ్డి పై ఆసక్తికర వ్యాఖ్యలు చేసిన సీనియర్ నటి..
S. Thaman: సూపర్ స్టార్ మహేష్ బాబు ఫ్యాన్స్ కు గుడ్ న్యూస్ చెప్పిన తమన్.. అదేంటంటే..
