Bollywood: స్టార్ హీరోలే టార్గెట్.. సల్మాన్, షారుఖ్ తర్వాత ఆ హీరోకు బెదిరింపులు..

సల్మాన్ ఖాన్ ను చంపేస్తామ్.. లేదంటే రూ.5 కోట్లు ఇవ్వండి అంటూ కొన్ని నెలలుగా ముంబై పోలీసులకు బెదిరింపులు వస్తున్నాయి. ఇప్పటికీ మా గ్యాంగ్ యాక్టివ్ గా ఉంది.. సల్మాన్ క్షమాపణ చెప్పాల్సిందే అంటూ లారెన్స్ బిష్ణోయ్ గ్యాంగ్ ముంబై పోలీసులకు వరుస లేఖలు పంపుతుంది. దీంతో అప్రమత్తమైన పోలీసులు సల్మాన్ కు మరింత భద్రత కట్టుదిట్టం చేశారు. అలాగే బృందాలుగా ఏర్పడి నిందితుల కోసం గాలిస్తున్నారు. ఈ క్రమంలోనే బాద్ షా షారుఖ్ ఖాన్ కు సైతం హత్య బెదిరింపులు వచ్చాయి. రూ. 2 కోట్లు ఇవ్వకపోతే షారుఖ్ ను చంపేస్తామని ఓ గుర్తుతెలియని వ్యక్తి నుంచి కాల్ వచ్చింది. దీనిపై కేసు నమోదు చేసిన పోలీసులు విచారణ చేపట్టారు. ఇప్పటికే బిగ్ బాస్ విన్నర్ మున్నావర్ ఫరుఖీని కూడా హత్య చేయనున్నట్లు బెదిరించడంతో అతడికి సైతం భద్రతను ఏర్పాటు చేశారు.

ఇదిలా ఉంటే.. ఇప్పుడు బాలీవుడ్ ఇండస్ట్రీలోని యంగ్ హీరోకు సైతం హత్య బెదిరింపులు వచ్చాయి. అతడు మరెవరో కాదు.. ఇటీవలే 12th ఫెయిల్ సినిమాతో హిట్ అందుకున్న విక్రాంత్ మాస్సే. తనకు కూడా హత్య బెదిరింపులు వచ్చాయని.. తాజాగా తన నెక్ట్స్ మూవీ ‘ది సబర్మతి రిపోర్ట్’ ట్రైలర్ లాంచ్ సందర్భంగా విలేకరుల సమావేశంలో ఈ విషయాన్ని వెల్లడించారు. లారెన్స్ విష్ణోయ్ గ్యాంగ్ నుండి సల్మాన్ ఖాన్‌కు హత్య బెదిరింపులు వచ్చాయి. ఆ తర్వాత షారుఖ్ కు వచ్చాయి. ఇప్పుడు విక్రాంత్ మెస్సీకి హత్య బెదిరింపులు వచ్చాయి. విక్రాంత్ ప్రస్తుతం తన రాబోయే చిత్రం ‘ది సబర్మతి రిపోర్ట్’ ప్రమోషన్‌లో బిజీగా ఉన్నాడు.

బాలీవుడ్ సెలబ్రిటీలకు బెదిరింపులు రావడం సర్వసాధారణమైపోయింది. అయితే ఆర్టిస్ట్‌గా ఇది తీవ్రమైన సమస్య అని నటుడు విక్రాంత్ మెస్సీ తన అభిప్రాయాన్ని వ్యక్తం చేశారు. ‘ది సబర్మతి రిపోర్ట్’ సినిమా ఒక యదార్థ సంఘటన నుండి ప్రేరణ పొందింది. ఈ సినిమా గుజరాత్ ఘటనకు సంబంధించింది. ఈ సినిమా విషయంలో విక్రాంత్‌కు బెదిరింపులు వస్తున్నాయని అన్నారు.

ఇది చదవండి : Arundhati movie: తస్సాదియ్యా.. అసలేం మారలేదు.. అరుంధతి డ్యాన్స్ టీచర్‏ను చూశారా..?

Anshu Ambani: మతిపోగొట్టేస్తోన్న మన్మథుడు హీరోయిన్.. కొత్త ఫోటోలతో మెంటలెక్కిస్తోన్న అన్షు..

Tollywood: నడుమందాలతో తికమక పెట్టేస్తోన్న వయ్యారి.. హిట్టు కొట్టిన క్రేజీ హీరోయిన్..

మరిన్ని సినిమా వార్తల కోసం ఇక్కడ క్లిక్ చేయండి.