Anil Ravipudi : ఎఫ్ 4 సినిమాలో నటించేది వీరే.. క్లారిటీ ఇచ్చిన అనిల్ రావిపూడి
టాలీవుడ్ లో సక్సెస్ ఫుల్ దర్శకుడిగా దూసుకుపోతున్నారు అనిల్ రావిపూడి. ఇటీవలే ఎఫ్ 3 సినిమాతో మరో సాలిడ్ హిట్టు అందుకున్నాడు అనిల్.
Updated on: Jun 09, 2022 | 11:09 AM
టాలీవుడ్ లో సక్సెస్ ఫుల్ దర్శకుడిగా దూసుకుపోతున్నారు అనిల్ రావిపూడి(Anil Ravipudi). ఇటీవలే ఎఫ్ 3(F3) సినిమాతో మరో సాలిడ్ హిట్టు అందుకున్నాడు అనిల్. వెంకటేష్, వరుణ్ తేజ్ ప్రధాన పాత్రలో తెరకెక్కిన ఎఫ్ 3 సినిమా మంచి విజయాన్ని సొంతం చేసుకుంది. గతంలో వచ్చిన ఎఫ్ 2 సినిమాకు మించి ఫన్ తో ఈ సినిమాను తెరకెక్కించాడు అనిల్ రావిపూడి. వెంకీ, వరుణ్ లతోపాటు సునీల్ కూడా యాడ్ అవ్వడంతో థియేటర్స్ లో నవ్వుల వర్షం కురిసింది. వెంకీ, వరుణ్ కామెడీ టైమింగ్ తోపాటు తమన్నా , మెహ్రీన్, సోనాల్ చౌహన్ గ్లామర్ సినిమాకు ప్లస్ అయ్యింది. మొత్తంగా ఫ్యామిలీ ఆడియన్స్ మెచ్చిన చిత్రంగా ఎఫ్ 3 సక్సెస్ అయ్యింది. ఇక ఈ ఫన్ ఫ్రాంచైజీ ని కొనసాగిస్తామని ఇప్పటికే దర్శక నిర్మాతలు ప్రకటించారు.ఈ నేపథ్యంలో ఎఫ్ 4 పై ఆసక్తి పెరిగింది. ఇప్పటికే ఎఫ్ 4 ఉంటుందని అనిల్ క్లారిటీ ఇచ్చారు. అయితే ఎఫ్ 4లోనూ వెంకీ , వరుణ్ ఉంటారా లేక వేరే హీరోలతో ఉంటుందా అన్న దానికి కూడా క్లారిటీ ఇచ్చారు అనిల్.
వెంకటేష్, వరుణ్ తేజ్ లు కన్ఫామ్ గా ఉంటారు. వెంకీ , వరుణ్ తో పాటు కొత్త వారు యాడ్ అవుతారని అనిల్ ఇటీవల ఓ ఇంటర్వ్యూలో చెప్పుకొచ్చారు. అయితే తమన్నా, మెహ్రీన్ కు బదులు వేరే హీరోయిన్స్ ఉంటారని అన్నారు అనిల్. ప్రస్తుతం బాలకృష్ణ తో సినిమా చేస్తున్నాడు అనిల్. ఈ సినిమా పక్క కమర్షియల్ మూవీగా తెరకెక్కుతోంది. యాక్షన్ నన్నివేశాలతో పాటు అనిల్ తన మార్క్ కామెడీని యాడ్ చేయనున్నాడు. ఈ సినిమా పూర్తయ్యి ఎఫ్ 4 రావడానికి ఎంత లేదన్న 2 ఏళ్ళు పట్టే అవకాశం ఉంది. మరో ఇంట్రస్టింగ్ కథతో ఎఫ్ 4 ను తెరకెక్కించనున్నాడు అనిల్. మరి ఎఫ్ 4 ఎలా ఉంటుందో చూడాలి.
