Pushpa 2 Movie: అమ్మవారి ఉగ్రరూపంలో అల్లు అర్జున్.. ఇక థియేటర్లు దద్దరిల్లాల్సిందే..

ఎస్ ! ఓ పక్క బన్నీ బర్త్‌డే సందర్భంగా రిలీజ్ అయిన మూడు నిమిషాల 14 సెకండ్ల వీడియో గ్లింప్స్ కంటే.. సోషల్ మీడియాలో ట్రెండ్ అవుతున్నా ఆ ఫోటోనే అందరికీ కిక్కిస్తోంది. ఇంతకీ ఆ ఫోటో ఏంటంటే.. ఉగ్ర రూప దారి అయిన గంగమ్మ రూపంలోకి మారిన పుష్ప ఫోటో..! ఎస్ ! పట్టు చీర కట్టుకుని.. ముక్కు పుడక.. బుట్ట కమ్మలు.. చేతికి ఎర్ర రంగు గాజులు..

Allu Arjun

Rajitha Chanti |

Updated on: Apr 07, 2023 | 7:40 PM

ప్రస్తుతం సోషల్ మీడియా మొత్తం పుష్ప రాజ్ మయంగా మారిపోయింది. పుష్ప నేమ్‌ అండ్ సీన్స్‌ నెట్టింటిని రఫ్పాడిస్తున్నాయి. రఫ్ఫాడించడమే కాదు.. పుష్ప పాట్ టూ ది రూల్ పై అంచనాలు పెంచుతున్నాయి. ఈ సినిమా కోసం అందర్నీ ఈగర్గా వెయిట్ చేసేలా చేస్తున్నాయి. అల్లు అర్జున్ బర్త్ డే సందర్భంగా ఈరోజు విడుదలైన పుష్ప 2 టీజర్ అంచనాలను తారాస్థాయికి చేర్చింది. మాస్ అవతార్‏లో బన్నీ లుక్ చూసి అభిమానులు ఖుషి అయ్యారు. ఆడియన్స్ అంచనాలకు మించి టీజర్ ఉండడంతో ఈ సినిమా కోసం మరింత ఆత్రుతగా వెయిట్ చేస్తున్నారు. ఇక ఈ క్రమంలోనే తాజాగా సోషల్ మీడియాలో వైరల్‌ అవుతున్న పుష్ప రాజ్‌ ఫోటో మాత్రం అందర్నీ ఒక్క నిమిషం ఆగేలా చేస్తోంది. కళ్లర్పకుండా చూసేలా చేస్తుంది. ఎప్పుడూ చూడని బన్నీని చూసి ఆశ్చర్యపోతున్నారు ఫ్యాన్స్.

ఎస్ ! ఓ పక్క బన్నీ బర్త్‌డే సందర్భంగా రిలీజ్ అయిన మూడు నిమిషాల 14 సెకండ్ల వీడియో గ్లింప్స్ కంటే.. సోషల్ మీడియాలో ట్రెండ్ అవుతున్నా ఆ ఫోటోనే అందరికీ కిక్కిస్తోంది. ఇంతకీ ఆ ఫోటో ఏంటంటే.. ఉగ్ర రూప దారి అయిన గంగమ్మ రూపంలోకి మారిన పుష్ప ఫోటో..! ఎస్ ! పట్టు చీర కట్టుకుని.. ముక్కు పుడక.. బుట్ట కమ్మలు.. చేతికి ఎర్ర రంగు గాజులు.. మెడలో బంగారు గొలుసులు.. నిమ్మకాయల దండతో.. ఎర్ర కళ్లతో.. గంభీరంగా ఉండే కొలువై ఉండే గంగమ్మలా పుష్ప రాజ్‌ ఈ ఫోటోలో కనిపించడం ఇప్పుడు వైరల్ అవుతోంది. అంతేకాదు.. చేతిలో గన్ను కూడా కనిపిస్తుండడంతో.. అందరి అటెన్షన్‌ను గ్రాబ్ చేస్తుంది. ఈ ఫోటోను స్వయంగా అల్లు అర్జున్ తన ట్విట్టర్ ఖాతాలో షేర్ చేశారు.

ఇవి కూడా చదవండి

డైరెక్టర్ సుకుమార్ తెరకెక్కిస్తోన్న ఈ సినిమా కోసం దేశవ్యాప్తంగా ఉన్న సినీ ప్రియులు కళ్లలో వత్తులు వేసుకుని మరీ ఎదురుచూస్తున్నారు. ఇక పుష్ప పార్ట్ వన్ తో మాస్ మ్యూజిక్‏తో హోరెత్తించిన దేవీ శ్రీ ప్రసాద్.. ఇక మరోసారి థియేటర్లలలో హుషారెత్తించే మాస్ సాంగ్స్ అందించనున్నట్లు తెలుస్తోంది. ప్రస్తుతం ఈ సినిమా శరవేగంగా షూటింగ్ జరుగుతుంది.