అల్లు అర్జున్ మొదటి పారితోషికం మరీ అంతా.. రాఘవేంద్రరావు ఇచ్చిన డబ్బు ఎంతో తెలిస్తే షాక్ అవుతారు..

Allu Arjun: స్టైలీష్ స్టార్ అల్లు అర్జున్‏కు దక్షిణాది సినీ పరిశ్రమలో ఎంత ఫాలోయింగ్ ఉందో ప్రత్యేకంగా చెప్పాల్సిన పనిలేదు. తన నటనతో ప్రేక్షకులకు దగ్గరవ్వడమే కాకుండా.. యూత్ లో ఫుల్ క్రేజ్ సంపాదించుకున్నాడు. ప్రస్తుతం అల్లు అర్జున్… డైరెక్టర్ సుకుమార్ దర్శకత్వంలో పుష్ప సినిమాలో నటిస్తున్నాడు. ఈ సినిమాను సుకుమార్ రెండు స్టోరీలుగా.. పాన్ ఇండియా లెవెల్లో తెరకెక్కిస్తున్నాడు. అయితే ఇప్పుడు బన్నీ రెమ్యూనరేషన్ కోట్లలో ఉన్న సంగతి తెలిసిందే. కానీ అల్లు అర్జున్ మొదటి పారితోషకం ఎంత తీసుకున్నాడో తెలుసా ? బన్నీ మొదటిసారిగా తీసుకున్న పారితోషకం.. కేవలం వంద రూపాయాలు మాత్రమే. అది కూడా దర్శకుడు రాఘవేంద్రరావు ఇచ్చారు. ఎంటీ నమ్మడం లేదు కదా.. కానీ ఇది అక్షరాల నిజం.. ఈ విషయాన్ని స్వయంగా బన్నీ ఓ ఇంటర్వూలో చెప్పారు.

అల్లు అర్జున్ మొదటి సినిమా గంగోత్రి.. ఈ చిత్రానికి రాఘవేంద్రరావు దర్శకత్వం వహించిన సంగతి తెలిసిందే. కానీ ఈ సినిమా కంటే ముందే అల్లు అర్జున్.. మెగాస్టార్ చిరంజీవి సినిమా డాడీలో నటించాడు. అయితే ఆ చిత్రానికి ఎంత పారితోషికం తీసుకున్నారన్న సంగతి తెలియదు. ఇదిలా ఉంటే.. ఈ సినిమా కంటే ముందు మెగాస్టార్ చిరంజీవి ఇంట్లో ఓ పార్టీ జరిగింది. అక్కడ బన్నీ ఎంతో ఉత్సాహంగా డ్యాన్స్ చేశాడు. ఆ పార్టీకి రాఘవేంద్రరావు కూడా వచ్చారు. పార్టీలో బన్నీ డ్యాన్స్ చూసిన రాఘవేంద్రరావు.. ముచ్చటపడి అల్లు అర్జున్ కు రూ.100 ఇచ్చారట. ఇక ఆ తర్వాత బన్నీ హీరోగా గంగోత్రి సినిమా రావడం.. అదే చిత్రం.. రాఘవేంద్రరావుకు 100వ సినిమా కావడం విశేషం. ఇక రాఘవేంద్రరావు ఇచ్చిన రూ.100 ఇప్పటికీ బన్నీ వాళ్ల అమ్మ దగ్గర ఉన్నాయట.

Also Read: Yuvika Chaudhary: సినీ నటిపై ఎస్సీ ఎస్టీ అట్రాసిటీ కేసు… నిమ్నవర్గాలను కించపరుస్తూ వ్యాఖ్యలు చేసిందని ఫిర్యాదు..

Renu Desai: పర్సనల్ నంబర్ అడిగిన నెటిజన్… ఇప్పుడు ఇవ్వను.. అప్పుడే ఇస్తా.. రేణు దేశాయ్ స్ట్రాంగ్ ఆన్సర్..