Naatu Naatu: ‘నాటు నాటు’ స్టెప్ను కాపీ కొట్టిన బాలీవుడ్ స్టార్స్ .. ట్రోల్ చేస్తోన్ననెటిజన్లు.. వీడియో ఇదిగో
బాలీవుడ్ లో ఈ ఏడాది రిలీజ్ కానున్న ది మోస్ట్ అవైటెడ్ మూవీస్లో బడే మియా చోటే మియా ఒకటి. ఈ సినిమాలో అక్షయ్ కుమార్, టైగర్ ష్రాఫ్ హీరోలుగా నటించారు. సోనాక్షి సిన్హా, పృథ్వీరాజ్ సుకుమారన్, మానుషి చిల్లర్ తదితరులు ప్రధాన పాత్రలు పోషించారు. రంజాన్ పండగ సందర్భంగా ఈ మల్టీస్టారర్ మూవీ రిలీజ్ కానుంది.
Updated on: Feb 28, 2024 | 5:07 PM
బాలీవుడ్ లో ఈ ఏడాది రిలీజ్ కానున్న ది మోస్ట్ అవైటెడ్ మూవీస్లో బడే మియా చోటే మియా ఒకటి. ఈ సినిమాలో అక్షయ్ కుమార్, టైగర్ ష్రాఫ్ హీరోలుగా నటించారు. సోనాక్షి సిన్హా, పృథ్వీరాజ్ సుకుమారన్, మానుషి చిల్లర్ తదితరులు ప్రధాన పాత్రలు పోషించారు. రంజాన్ పండగ సందర్భంగా ఈ మల్టీస్టారర్ మూవీ రిలీజ్ కానుంది. దీంతో చిత్రబృందం సినిమా ప్రమోషన్కు చాలా ప్రాధాన్యత ఇస్తోంది. తాజాగా ఈ చిత్రంలోని రెండో పాట ‘బడే మియా చోటే మియా’ విడుదలైంది. ఈ ‘మస్త్ మలంగా జూమ్..’ పాట చూసిన వారికి ‘RRR’ చిత్రంలోని ‘నాటు నాటు..’ పాట గుర్తుకొస్తుంది . రాజమౌళి తెరకెక్కించిన ‘ఆర్ఆర్ఆర్’ చిత్రంలోని ‘నాటు నాటు..’ పాటలో రామ్ చరణ్, జూనియర్ ఎన్టీఆర్ లు సూపర్బ్ స్టెప్పులేశారు. ఈ పాటకు ఆస్కార్ అవార్డు కూడా వచ్చింది. ఇప్పుడు ‘బడే మియా చోటే మియా’ సినిమాలోని పాటలో అక్షయ్ కుమార్, టైగర్ ష్రాఫ్ లు కూడా నాటు నాటు హుక్ స్టెప్ ను రీక్రియేట్ చేశారు. దీనికి సంబంధించిన వీడియో ప్రస్తుతం సోషల్ మీడియాలో వైరల్ గా మారింది. నాటు నాటు స్టెప్పులు కాపీ కొట్టారంటూ నెటిజన్లు బాలీవుడ్ స్టార్స్ ను ట్రోల్ చేస్తున్నారు.
అక్షయ్కుమార్, టైగర్ ష్రాఫ్ కలిసి నటించడంతో అభిమానుల్లో డే మియా చోటే మియా సినిమాపై అంచనాలు భారీగా ఉన్నాయి. భారీ బడ్జెట్తో ఈ సినిమా రూపొందుతోంది. అయితే ఈ చిత్ర బృందం డ్యాన్స్ స్టెప్పును కాపీ కొట్టి ట్రోల్ చేస్తున్నారు. అయినప్పటికీ ‘మస్త్ మలంగా జూమ్..’ పాట నెట్టింట బాగా ఫేమస్ అవుతోంది. మస్త్ మలంగా జూమ్..’ పాటకు బాస్కో సీజర్ కొరియోగ్రఫీ అందించారు. మరి కాపీయింగ్ ఆరోపణలపై చిత్ర బృందం ఎలా స్పందిస్తుందో చూడాలి.
Energy- MAST🔥 Beats- MALANG🔊 Groove- JHOOM🕺🕺
It’s time to dance to the beats of Mast Malang Jhoom!#MastMalangJhoom Song out Now: https://t.co/ZhmnVY1POR#BadeMiyanChoteMiyan #BadeMiyanChoteMiyanOnEid2024 pic.twitter.com/7vDnTf7UWO
— Akshay Kumar (@akshaykumar) February 28, 2024
హీరోలపై చెప్పులు.. అభిమానుల క్షమాపణలు..
‘బడే మియా చోటే మియా’ ప్రమోషన్లలో భాగంగా తాజాగా లక్నోలో ప్రత్యేక కార్యక్రమం నిర్వహించారు. ఈ కార్యక్రమానికి వేల సంఖ్యలో అభిమానులు హాజరయ్యారు. ఇంతలో కొందరు దుండగులు చెప్పులు విసరడం ప్రారంభించారు. దీంతో తొక్కిసలాట జరుగుతోంది. పరిస్థితిని అదుపులోకి తెచ్చేందుకు పోలీసులు లాఠీచార్జి కూడా చేశారు. ఈ నేపథ్యంలో అక్షయ్, టైగర్లు కార్యక్రమం సగంలోనే వెళ్లిపోయారు. తాజాగా ఈ ఘటనపై అక్షయ్ కుమార్ అభిమానులు క్షమాపణలు చెప్పారు. ‘అక్షయ్ కుమార్ సార్. మమ్మల్ని క్షమించండి. తదుపరిసారి మంచి స్థలాన్ని ఎంచుకోండి.’ మరికొందరు ‘అక్షయ్, టైగర్కి ఏమీ జరగకపోవడం మాకు సంతోషంగా ఉంది. తప్పకుండా మీ సినిమా చూస్తాం’ అన్నారు.
మరిన్ని సినిమా వార్తల కోసం ఇక్కడ క్లిక్ చేయండి.
