Most Eligible Bachelor: అఖిల్ కొత్త సినిమా ఓటీటీలో విడుద‌ల కానుందా.? క్లారిటీ ఇచ్చిన చిత్ర యూనిట్‌..

Most Eligible Bachelor: క‌రోనా త‌ద‌నంత‌ర ప‌రిణామాల త‌ర్వాత సినిమా ఇండ‌స్ట్రీలో పెను మార్పులు వ‌చ్చాయి. అప్ప‌టి వ‌ర‌కు కొంద‌రికి మాత్ర‌మే తెలిసిన ఓటీటీ సేవ‌లు లాక్‌డౌన్ త‌ర్వాత బాగా ప్రాచుర్యాన్ని...

Most Eligible Bachelor: అఖిల్ కొత్త సినిమా ఓటీటీలో విడుద‌ల కానుందా.? క్లారిటీ ఇచ్చిన చిత్ర యూనిట్‌..
Most Eligible Bachelor
Follow us

|

Updated on: May 24, 2021 | 6:20 PM

Most Eligible Bachelor: క‌రోనా త‌ద‌నంత‌ర ప‌రిణామాల త‌ర్వాత సినిమా ఇండ‌స్ట్రీలో పెను మార్పులు వ‌చ్చాయి. అప్ప‌టి వ‌ర‌కు కొంద‌రికి మాత్ర‌మే తెలిసిన ఓటీటీ సేవ‌లు లాక్‌డౌన్ త‌ర్వాత బాగా ప్రాచుర్యాన్ని సంపాదించుకున్నాయి. ముఖ్యంగా ఆహా వంటి రీజిన‌ల్ ఓటీటీలు రావ‌డంతో తెలుగులో ఓటీటీ మార్కెట్ హ‌వా పెరిగింది. ఇక థియేట‌ర్లు మూత‌ప‌డ‌డంతో బ‌డా చిత్ర‌లు సైతం ఓటీటీలో విడుద‌ల కావ‌డం కూడా దీనికి ఒక కార‌ణంగా చెప్ప‌వ‌చ్చు. ఇప్ప‌టికే ప‌లు పెద్ద సినిమాలు ఓటీటీలో విడుద‌లై అంద‌రి దృష్టిని ఆకర్షించాయి. ఇదిలా ఉంటే తాజాగా అఖిల్ హీరోగా భొమ్మ‌రిల్లు భాస్క‌ర్ ద‌ర్శ‌క‌త్వంలో తెర‌కెక్కుతోన్న మోస్ట్ ఎలిజిబుల్ బ్యాచిల‌ర్ చిత్రాన్నికూడా ఓటీటీలో విడుద‌ల చేయ‌నున్న‌ట్లు గ‌త కొన్ని రోజులుగా ఓ వార్త తెగ హ‌ల్చ‌ల్ చేస్తోంది. ఇప్ప‌టికే ఓ ప్రముఖ ఓటీటీ సంస్థ ఇందుకోసం పెద్ద మొత్తంలో ఒప్పందం చేసుకుంద‌ని వార్త‌లు వ‌చ్చాయి. దీంతో ఇంద‌తా నిజ‌మేన‌ని అంద‌రూ అనుకున్నారు. కానీ తాజాగా చిత్ర యూనిట్ ఈ పుకారుపై క్లారిటీ ఇచ్చే ప్ర‌య‌త్నం చేసింది. ఈ చిత్రాన్ని ఎట్టి ప‌రిస్థితుల్లో ఓటీటీలో విడుద‌ల చేసే ఉద్దేశం లేద‌ని తేల్చి చెప్పింది. థియేట‌ర్లు తిరిగి ప్రారంభ‌మ‌య్యాకే సినిమాను విడుద‌ల చేస్తామ‌ని చిత్ర యూనిట్ చెప్పుకొచ్చింది. అల్లుఅర‌వింద్ నిర్మాత‌గా వ్య‌వ‌హ‌రిస్తున్న ఈ సినిమాలో బుట్ట‌బొమ్మ పూజా హెగ్డే హీరోయిన్‌గా న‌టిస్తోంది. ఇటు ద‌ర్శ‌కుడు భాస్క‌ర్‌కు, హీరో అఖిల్‌కు ఈ సినిమా విజ‌యం ఎంతో కీల‌కంగా మార‌డంతో అంద‌రి దృష్టి ఈ సినిమా ఫ‌లితంపై ప‌డింది.

Also Read: Sameera Reddy: ఇంత నిరాశ లో నేను ఎంత సమయం గడిపానో ఇప్పటికీ నాకు తెలియదంటున్న హీరోయిన్..

Vakeelsaab Fight Scene: చెల‌రేగిన నెల్లూరు కుర్రాళ్లు.. ‘వకీల్​సాబ్’ ఫైట్ సీన్‌ను యాజిటీజ్ దించేశారు

Love Story movie: సంచలనాలు సృష్టిస్తున్న సారంగదరియా సాంగ్.. తాజాగా మరో రికార్డు..