Tamannaah: ఆ స్టార్ హీరోతో మిల్కీబ్యూటీ స్పెషల్ సాంగ్.. ఒక్క పాటకు రూ.1.5 కోట్లు ?..

కొద్దిరోజులుగా ఈ మూవీ షూటింగ్ శరవేగంగా జరుగుతుంది. అయితే లేటేస్ట్ అప్డేట్ ప్రకారం తమన్నా ఇప్పుడు మరో స్పెషల్ సాంగ్ చేయబోతుందట. నందమూరి బాలకృష్ణ హీరోగా డైరెక్టర్ అనిల్ రావిపూడి ఓ సినిమా తెరకెక్కుతున్న సంగతి తెలిసిందే. మాస్ యాక్షన్ నేపథ్యంలో రాబోతున్న ఈ మూవీలో కాజల్, శ్రీలీల నటిస్తున్నారు.

Tamannah

Rajitha Chanti | Edited By: seoteam.veegam

Updated on: May 18, 2023 | 3:41 PM

టాలీవుడ్ ఇండస్ట్రీలో ఒకప్పుడు స్టార్ హీరోయిన్‏గా వెలుగు వెలిగింది హీరోయిన్ తమన్నా. గత కొంతకాలంగా ఈ ముద్దుగుమ్మకు అవకాశాలు తగ్గిపోయాయి. తమన్నా చివరగా ఎఫ్ 3 చిత్రంలో కనిపించింది. ప్రస్తుతం మెగాస్టార్ చిరంజీవి నటిస్తోన్న భోళా శంకర్ చిత్రంలో కథానాయికగా నటిస్తోంది మిల్కీబ్యూటీ. కొద్దిరోజులుగా ఈ మూవీ షూటింగ్ శరవేగంగా జరుగుతుంది. అయితే లేటేస్ట్ అప్డేట్ ప్రకారం తమన్నా ఇప్పుడు మరో స్పెషల్ సాంగ్ చేయబోతుందట. నందమూరి బాలకృష్ణ హీరోగా డైరెక్టర్ అనిల్ రావిపూడి ఓ సినిమా తెరకెక్కుతున్న సంగతి తెలిసిందే. మాస్ యాక్షన్ నేపథ్యంలో రాబోతున్న ఈ మూవీలో కాజల్, శ్రీలీల నటిస్తున్నారు.

ఈ చిత్రాన్ని షైన్ స్క్రీన్స్ బ్యానర్ పై సాహు గారపాటి, హరీష్ పెద్ది నిర్మిస్తున్నారు. ఇప్పటికే ఈ సినిమాకు సంబంధించి విడుదలైన ఫస్ట్ లుక్ పోస్టర్ మూవీపై క్యూరియాసిటిని పెంచగా.. ఈ సినిమా టైటిల్ మరింత ఆసక్తి ఏర్పడింది. ఇక ఇందులో బాలయ్యను ఢీకొట్టేందుకు బాలీవుడ్ నటుడు అర్జున్ రాంపాల్ ఎంపికయ్యాడు. ఇక తాజా సమాచారం ప్రకారం ఈ సినిమాలో ఓ స్పెషల్ సాంగ్ ఉంటుదని టాక్.ఈ మూవీ కోసం అదిరిపోయే స్పెషల్ సాంగ్ కంపోజ్ చేస్తున్నాడట మ్యూజిక్ డైరెక్టర్ తమన్. ఈ పాట కోసం తమన్నాను ఎంపిక చేసుకోవాలని భావిస్తున్నారట. అయితే కేవలం ఒక్క పాట కోసమే మిల్కీబ్యూటీ రూ.1.5 కోట్లు డిమాండ్ చేస్తుందట. దీంతో ఆలోచనలో పడ్డారట మేకర్స్.

ఇవి కూడా చదవండి

అనిల్ రావిపూడి తెరకెక్కిస్తోన్న ఈ మాస్ యాక్షన్ చిత్రంలో కాజల్ హీరోయిన్ కాగా.. బాలయ్య కూతురిగా శ్రీలీల కనిపించనుందని తెలుస్తోంది. ప్రస్తుతం ఈ మూవీ షూటింగ్ శరవేగంగా జరుగుతుంది.