Sara Ali Khan: హీరోలకు ఈ హీరోయిన్ లక్కీ బ్యూటీ.. ఆమెతో నటిస్తే చాలు పెళ్లి బజాలు మోగాల్సిందే..
పటౌడీ క్వీన్ సారా.. దివంగత నటుడు సుశాంత్ సింగ్ సరసన కేదార్ నాథ్ అనే చిత్రంతో కథానాయికగా పరిచయమైంది. ఆ తర్వాత ఈ బ్యూటీతో కలిసి నటించిన హీరోలందరికి పెళ్లి కావడం విశేషం. అంతేకాకుండా.. వారందరి పెళ్లిళ్లు.. ఓవైపు సినిమా సెట్ పై ఉండగానే వివాహలు జరిగిపోయాయంటుంది సారా.
Rajitha Chanti | Edited By: seoteam.veegam
Updated on: May 18, 2023 | 3:43 PM
ప్రస్తుతం బాలీవుడ్ ఇండస్ట్రీలో స్టార్ హీరోయిన్గా కొనసాగుతున్న వారిలో సారా అలీ ఖాన్ ఒకరు. బీటౌన్ హీరో సైఫ్ అలీ ఖాన్ నటవారసురాలిగా సినీపరిశ్రమలోకి అడుగుపెట్టి.. అతి తక్కువ సమయంలోనే తనకంటూ ప్రత్యేక గుర్తింపు సంపాదించుకుంది. ఈ పటౌడీ క్వీన్ సారా.. దివంగత నటుడు సుశాంత్ సింగ్ సరసన కేదార్ నాథ్ అనే చిత్రంతో కథానాయికగా పరిచయమైంది. ఆ తర్వాత ఈ బ్యూటీతో కలిసి నటించిన హీరోలందరికి పెళ్లి కావడం విశేషం. అంతేకాకుండా.. వారందరి పెళ్లిళ్లు.. ఓవైపు సినిమా సెట్ పై ఉండగానే వివాహలు జరిగిపోయాయంటుంది సారా. ఇటీవల తన కొత్త సినిమా ప్రమోషనల్లో భాగంగా ఓ ఇంటర్వ్యూలో పాల్గొన్న సారా.. ఆసక్తికర విషయాలను పంచుకుంది.
“నాతో నటిస్తూ.. షూటింగ్ సమయంలోనే పెళ్లి చేసుకున్న నాల్గవ హీరో విక్కీ కౌశల్ ” అంటూ సరదాగా చెప్పేసింది సారా అలీ ఖాన్. ఇక ఆమె మాటలకు విక్కీ స్పందిస్తూ.. ఎవరైతో పెళ్లి కావాలనుకుంటున్నారో వారు సారాతో ఓ సినిమా చేయండి అనగా.. నాతో సినిమా చేసేందుకు మీరు గ్రీన్ సిగ్నల్ ఇస్తే.. మీ పెళ్లి జరిగిపోతుంది అంటూ సారా నవ్వుతూ చెప్పేసింది. నిజమే మరీ.. ఇప్పటివరకు ఈ బ్యూటీతో నటించిన హీరోలందరికీ పెళ్లి కావడం విశేషం.
సారా నటించిన హీరోలలో ముందుగా రణ్వీర్ సింగ్ పెళ్లి కొడుకయ్యాడు. వీరిద్దరి కాంబోలో సింబా (2018)విడుదలకు ముందు అతను దీపికా పదుకొనేను వివాహం చేసుకున్నారు. ఆ తర్వాత గ్యాస్ లైట్ (2023) హీరో విక్రాంత్ మాస్సేతో కలిసి నటించగా.. అతనికి ఈ సినిమా షూటింగ్ జరుగతుండగానే.. శీతల్ ఠాకూర్ తో వివాహం జరిగింది. ఇక వరుణ్ దావన్… సారా కాంబోలో కూలీ నెంబర్ 1 సినిమా వచ్చింది. ఈ మూవీ షూటింగ్ సమయంలోనే వరుణ్ తన స్నేహితురాలు నటాషా దలాల్ ను పెళ్లి చేసుకున్నారు. ఇక ఇటీవల విక్కీ కౌశల్ హీరోయిన్ కత్రినాను పెళ్లి చేసుకున్న సంగతి తెలిసిందే. ఈ బ్యూటీతో నటిస్తూనే పెళ్లి చేసుకున్న నాలుగవ హీరో అయ్యాడు విక్కీ. మొత్తానికి బాలీవుడ్ ఇండస్ట్రీలో పెళ్లి చేసుకోవాలనుకుంటున్న హీరోలు.. సారాతో నటిస్తే పెళ్లైపోతుందంటున్నారు.
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
