Sreeleela: ‘మా ఇంటి మహాలక్ష్మి’.. ఫొటోల్లో ఉన్న పాప ఎవరో చెప్పేసిన శ్రీలీల

టాలీవుడ్‌ క్రేజీ హీరోయిన్‌ శ్రీలీల కొద్దిరోజుల క్రితం ఒక చిన్నపాపతో ఉన్న ఫొటోను తన సోషల్‌మీడియా ఖాతాలో పోస్ట్‌ చేసింది. 'మా కుటుంబంలోకి మరో పాప వచ్చేసింది' అని తన పోస్ట్ కు క్యాప్షన్‌ పెట్టిందీ అందాల తార. దీంతో శ్రీలీల మరో బిడ్డను దత్తత తీసుకుందని ప్రచారం జరుగుతోంది.

Sreeleela

Basha Shek |
Updated on: May 03, 2025 | 3:26 PM

వయసులో చిన్నదైనా శ్రీలీల ఆలోచనలు చాలా పెద్దవి. అందుకే పెళ్లి కాకుండానే దివ్యాంగులైన ఇద్దరు పిల్లలను దత్తత తీసుకుని వారి ఆలనా పాలనా చూసుకుంటోందీ అందాల తార. సాధారణంగా పెళ్లి కానీ అమ్మాయిలు ఇలా పిల్లలను దత్తత తీసుకోవడానికి పెద్దగా ఇష్టపడరు. అయితే ఎంబీబీఎస్ పూర్తి చేసిన శ్రీలీల మూడేళ్ల క్రితం ఓ అనాథాశ్రమాన్ని సందర్శించింది. అక్కడ దివ్యాంగులైన గురు, శోభిత అనే ఇద్దరు పిల్లలను దత్తత తీసుకుంది. ఆ ఇద్దరు పిల్లలకు తల్లిలా ఆలనా పాలన చూసుకుంటోంది శ్రీలీల. ఇదిలా ఉంటే ఇటీవల మరో పాపతో కలిసి ఉన్న కొన్ని ఫొటోలను సోషల్ మీడియాలో షేర్ చేసిందీ కిస్సిక్ బ్యూటీ. ‘మా ఇంటికి మరొకరు, హృదయాలను నింపేందుకు ఈ పాప వచ్చింది’ అని క్రేజీ క్యాప్షన్ ఇచ్చింది. ఈ ఫొటోలు కొద్ది క్షణాల్లోనే వైరల్ గా మారాయి. అసలు ఈ పాప ఎవరు? తన బంధువుల పాపనా? లేకపోతే శ్రీలీల మరో పాపను దత్తత తీసుకుదందా? అంటూ నెటిజన్లు ప్రశ్నల వర్షం కురిపించారు. చాలా మంది శ్రీలీల మూడో పాపను దత్తత తీసుకునేసిందని ఫిక్స్ అయిపోయారు. తాజాగా ఇదే విషయంపై ఫుల్ క్లారిటీ ఇచ్చేసింది శ్రీలీల.

ఇప్పుడు అదే చిన్నపాపతో సరదాగా ఆడుకుంటూ కనిపించింది శ్రీలీల. దీంతో ఆ పాప వివరాలు చెప్పాలని చాలామంది నెటిజన్లు కామెంట్ల రూపంలో శ్రీలీలను కోరారు. దీంతో ఎట్టకేలకు ఆ పాప వివరాలను చెప్పేసిందీ అందాల తార. ‘ సోదరి కుమార్తె మా ఇంటికి కొత్త కళ తీసుకొచ్చింది. ముఖ్యంగా పిన్నిలో మరింత జోష్‌ నింపింది’ అని ఇన్‌స్టా స్టోరీస్‌లో ఒక వీడియోను షేర్ చేసింది శ్రీలీల. ప్రస్తుతం ఈ వీడియో నెట్టింట వైరల్ గా మారింది.

ఇవి కూడా చదవండి

శ్రీలీల ఇన్ స్టా స్టోరీ పోస్ట్..

Sreeleela 1

ఇక సినిమాల విషయానికి వస్తే.. పుష్ప2 సినిమాలో ప్రత్యేకమైన సాంగ్‌లో మెరిసింది శ్రీలీల. ఆ తర్వాత నితిన్ రాబిన్ హుడ్ లో హీరోయిన్ గా నటించింది. ప్రస్తుతం రవితేజతో కలిసి మాస్ జాతర అనే సినిమాలో నటిస్తోంది. అలాగే పవన్ కల్యాణ్ తో కలిసి ఉస్తాద్ భగత్ సింగ్ లో యాక్ట్ చేస్తోంది. అలాగే హిందీలో కార్తీక ఆర్యన్ తో కలిసి ఓ సినిమాలో నటిస్తోంది.