Sonali Bendre: క్యాన్సర్ నుంచి పాఠాలు నేర్చుకున్నాను.. ఇది లక్ష్యం కాదు.. చేదు జ్ఞపకాలను గుర్తుచేసుకున్న సోనాలి..
2018లో మెటాస్టాటిక్ క్యాన్సర్ బారిన పడింది సోనాలి. ఈ ప్రాణాంతకమైన వ్యాధి నుంచి కోలుకుని ప్రస్తుతం పూర్తిగా ఆరోగ్యంగా ఉన్నారు సోనాలి.
Updated on: May 26, 2022 | 8:24 AM
మురారి సినిమాతో తెలుగు తెరకు హీరోయిన్ గా పరిచయమైంది సోనాలి బింద్రే. అందం, అభినయంతో తెలుగు చిత్ర పరిశ్రమలో తనకంటూ ప్రత్యేక గుర్తింపు తెచ్చుకుంది. అతి తక్కువ సమయంలోనే స్టార్ హీరోస్ సరసన స్క్రీన్ షేర్ చేసుకుంటూ అగ్ర కథానాయికగా దూసుకుపోయింది. మహేష్ బాబుతో మురారి సినిమా చేసిన సోనాలి.. ఏకంగా మెగాస్టార్ చిరంజీవితో ఇంద్ర మూవీలోనూ ఆడిపాడింది. తెలుగులో ఎన్నో చిత్రాల్లో నటించి మెప్పించిన సోనాలి.. పెళ్లి తర్వాత సినిమాలకు పూర్తిగా దూరమయ్యింది. ఆ తర్వాత 2018లో మెటాస్టాటిక్ క్యాన్సర్ బారిన పడింది సోనాలి. ఈ ప్రాణాంతకమైన వ్యాధి నుంచి కోలుకుని ప్రస్తుతం పూర్తిగా ఆరోగ్యంగా ఉన్నారు సోనాలి. ఇప్పుడిప్పుడే సినీ ఇండస్ట్రీలోకి రీఎంట్రీ ఇస్తూ.. బాలీవుడ్ ఇండస్ట్రీలో పలు రియాల్టీ షోలో పాల్గోంటున్నారు. తాజాగా ఓ ఇంటర్వ్యూలో పాల్గోన్న సోనాలి.. తాను క్యాన్సర్ తో పోరాడిన రోజులను గుర్తుచేసుకున్నారు.
సోనాలి మాట్లాడుతూ.. “క్యాన్సర్ బారిన పడి కోలుకున్న వారి జీవితాలు.. క్యాన్సర్ కు ముందు.. క్యాన్సర్ తర్వాత అన్నట్లుగా ఉంటాయి. నా శరీరంపై సర్జరీ గాయాన్ని అలాగే వదిలేసింది.. శరీరంలో వచ్చే మార్పులను స్వీకరించాలి.. మనిషి తన జీవితంలో ఏదో ఒక దానివల్ల పాఠాలు నేర్చుకోవాలి.. నేను క్యాన్సర్ నుంచి కొన్ని పాఠాలు నేర్చుకున్నాను. ఇది లక్ష్యం మాత్రమే కాదు.. ఒక ప్రక్రియ. మన జీవిత ప్రయాణం ఎప్పుడూ ఆగిపోకూడదు.. క్యాన్సర్ తో పోరాడి దాని నుంచి బయటపడినందుకు నేను కృతజ్ఞతతో ఉన్నాను.. ట్రీట్ మెంట్ తీసుకున్న రోజులు నా జీవితంలో అత్యంత కష్టమైన దశ. నేను ఆసుపత్రిలో చేరినప్పుడు వైద్యులు ఎంత తొందరగా వీలైతే అంత తొందరంగా ఇంటికి పంపుతామని తెలిపారు ” అంటూ క్యాన్సర్ చికిత్స్ తీసుకున్న రోజులను గుర్తుచేసుకున్నారు సోనాలి..
ఇక సోనాలి సినిమాల్లోకి కూడా రీఎంట్రీ ఇవ్వబోతున్నట్లుగా గత కొద్ది రోజులుగా టాక్ వినిపిస్తోంది. కేవలం బాలీవుడ్ లోనే కాకుండా..తెలుగులోనూ పలు చిత్రాలు చేసేందుకు ఆమె ఆసక్తి చూపిస్తున్నట్లుగా సమాచారం.
