Priya Prakash Varrier : కన్ను గీటి కుర్రాళ్లందరినీ తన మత్తులో పడేసి.. తాను మాత్రం ఇలా పడిందేంటి..!

యంగ్ హీరో నితిన్ నటించిన తాజా చిత్రం 'చెక్'. ఈ సినిమా ఫిబ్రవరి 26న (శుక్రవారం) ప్రేక్షకుల ముందుకు వచ్చింది. చంద్రశేఖర్ ఏలేటి దర్శకత్వం వహించిన ఈ సినిమాలో ..

Rajeev Rayala |
Updated on: Feb 27, 2021 | 8:16 AM

Priya Prakash Varrier : యంగ్ హీరో నితిన్ నటించిన తాజా చిత్రం ‘చెక్'(Check Movie). ఈ సినిమా ఫిబ్రవరి 26న (శుక్రవారం) ప్రేక్షకుల ముందుకు వచ్చింది. చంద్రశేఖర్ ఏలేటి దర్శకత్వం వహించిన ఈ సినిమాలో నితిన్ సరసన ప్రియా ప్రకాష్ వారియర్ నటించింది. రకుల్ ప్రీత్ (Rakul Preet Singh) కీలక పాత్రలో నటించింది. అయితే ఈ సినిమాతో కన్ను గీటి కుర్రాళ్లందరినీ తన మత్తులో కింద పడేసిన వింక్‌ పాప ప్రియా ప్రకాశ్‌ వారియర్‌ తెలుగు తెరకు పరిచయం అయ్యింది.

ఈ అమ్మడు తన నవ్వుతో గ్లామర్ తో కుర్రాళ్లను పడెయ్యడమే కాదు.. తను కూడా కింద పడతా అంటూ..ఓ వీడియోను పోస్ట్ చేసింది. ఈ మ్యాటర్‌ని తన ఇన్‌స్టాలో పోస్ట్‌ చేసింది ఈ కేరళ కుట్టి.. ఇంతకీ అసలు మ్యాటరేంటంటే..!

నితిన్(Nithiin) చెక్ సినిమా చెస్‌ గేమ్‌ నేపథ్యంలో రూపొందించాడు దర్శకుడు చంద్రశేఖర్ ఏలేటి. అయితే ఈ సినిమాలో కోసం గోవాలో ఓ పాటను షూట్‌ చేస్తుండగా.. ఈ వింక్‌ పాప.. నితిన్‌ వీపు ఎక్కబోయి.. ఎల్లెకిల పడిపోయింది. వెంటనే యూనిట్ సభ్యులందరూ వచ్చి ఆమెను పైకి లేపారు. అమ్మడికి ఎలాంటి ప్రమాదం జరగకపోవడంతో యూనిట్ సభ్యులు ఊపిరి పీల్చుకున్నారు.

ఇప్పుడు ఈ వీడియో ను ప్రియా తన ఇన్‌స్టాలో షేర్‌ చేసింది. ఈ వీడియా నా జీవితాన్ని రిప్రజెంట్ చేస్తుందని.. నేను ఎదగాలనుకుంటున్న ప్రతీసారి నన్ను కిందకు పడేస్తుంటుందని రాసుకొచ్చింది. దాంతో ఈ ఫన్నీ వీడియో సోషల్ మీడియాలో వైరల్ అవుతుంది. ఇక చెక్ మూవీ మంచి టాక్ తో దూసుకుపోతుంది. విభిన్నమైన కథతో తెరకెక్కిన ఈ సినిమా నితిన్ కు మరో హిట్ ఇచ్చిందనే చెప్పాలి. ఈ సినిమా తర్వాత వెంకీ అట్లూరి దర్శకత్వంలో రంగ్ దే అనే సినిమా చేస్తున్నాడు. ఈ సినిమాలో మహానటి ఫేమ్ కీర్తిసురేష్ హీరోయిన్ గా నటిస్తుంది. ఈ సినిమా మార్చిలో ప్రేక్షకుల ముందుకు రాబోతుంది.