Megha Akash: వేదాంతం వల్లిస్తోన్న అందాల భామ.. ఏది రాసిపెట్టి ఉంటే అదే జరుగుతుంది అంటూ..

Megha Akash: పేరుకు తమిళ ఇండస్ట్రీకి చెందిన నట వారసత్వం ఉన్నా తెలుగు సినిమా ద్వారా ఇండస్ట్రీకి పరిచయమైంది అందాల తార మేఘా ఆకాశ్‌....

Megha Akash

Narender Vaitla |

Updated on: Aug 29, 2021 | 4:06 PM

Megha Akash: పేరుకు తమిళ ఇండస్ట్రీకి చెందిన నట వారసత్వం ఉన్నా తెలుగు సినిమా ద్వారా ఇండస్ట్రీకి పరిచయమైంది అందాల తార మేఘా ఆకాశ్‌. తొలి సినిమాలోనే మంచి నటనను కనబరిచిన ఈ చిన్నది వరుస ఆవకాశాలు సొంతం చేసుకుంది. ఇక తెలుగులతో పాటు తమిళంలో వరుస సినిమాలు చేసిన మేఘా.. సల్మాన్‌ ఖాన్‌ హీరోగా తెరకెక్కిన ‘రాధే’ చిత్రంతో బాలీవుడ్‌ ఎంట్రీ కూడా ఇచ్చింది. అయితే ‘చల్‌ మోహన రంగ’ చిత్రం తర్వాత తెలుగు తెరకు బ్రేక్‌ ఇచ్చింది మేఘా. 2018 తర్వాత మేఘా ఆకాశ్‌ మళ్లీ తెలుగులో నటించలేదు. ఈ విషయమై గతంలో ఇచ్చిన ఓ ఇంటర్వ్యూలో మేఘా మాట్లాడుతూ.. సరైన కథలు దొరకని కారణంగానే తెలుగులో సినిమాకు ఓకే చెప్పలేదని చెప్పుకొచ్చింది.

View this post on Instagram

A post shared by Megha Akash (@meghaakash)

ఇదిలా ఉంటే ఈ చిన్నది మళ్లీ రాజ రాజ చోరా అనే సినిమాతో మళ్లీ తెలుగు ప్రేక్షకులను పలకరించింది. ఇక తదుపరి ‘డియర్‌ మేఘా’ అనే చిత్రంతో మరోసారి ప్రేక్షకులను పలకరించేందుకు సిద్ధమైంది. ఇందులో భాగంగానే ఈ అందాల తార నటించిన తాజా చిత్రం ‘డియర్‌ మేఘా’ సెప్టెంబర్‌ 3న విడుదలకు సిద్ధంగా ఉంది. ఈ నేపథ్యంలోనే మేఘా తాజాగా విలేకరులతో పలు ఆసక్తికర విషయాలను పంచుకుంది. ఈ సందర్భంగా మేఘా కాస్త వేదాంతాన్ని చెప్పుకొచ్చింది. చిత్ర పరిశ్రమలోకి అడుగు పెట్టినప్పుడు చాలా ప్రణాళికలు వేసుకున్నానని చెప్పిన మేఘా.. కానీ, ఇక్కడ మన ప్రణాళికలకు అనుగుణంగా ఏది జరగదని అర్థమైందని చెప్పుకొచ్చింది.

View this post on Instagram

A post shared by Megha Akash (@meghaakash)

ఏది జరగాలని రాసి పెట్టి ఉంటే అదే జరుగుతుందని కొన్నాళ్లకు తెలుసుకున్నానని వేదాంతాన్ని వల్లించింది. ఈ విషయమై మేఘా ఇంకా మాట్లాడుతూ.. ‘మొదట్లో నాకంటూ కొన్ని పరిమితులుండేవి. అందుకే తగ్గ పాత్రలే ఎంచుకుని సినిమాలు చేశా. కానీ, ఇప్పుడు నా ఆలోచనా విధానం మారింది. నా కంఫర్ట్‌ జోన్‌ నుంచి బయటకొచ్చి సినిమాలు ఎంచుకుంటున్నా’ను అంటూ చెప్పుకొచ్చిందీ బ్యూటీ. ఇక మేఘా ప్రస్తుతం తెలుగులో ‘గుర్తుందా శీతాకాలం’ అనే సినిమాలో నటిస్తోంది. మరికొన్ని చిత్రాలు ప్రస్తుతం చర్చల దశలో ఉన్నాయి.