Nithiin Macherla Niyojakavargam: నితిన్ మాచర్ల నియోజకవర్గంలో మరో హీరోయిన్.. ప్రకటించిన చిత్రయూనిట్..

యంగ్ హీరో నితిన్ జోరు పెంచాడు.. హిట్టు, ప్లాపులతో సంబంధం లేకుండా వరుస సినిమాలకు గ్రీన్ సిగ్నల్ ఇచ్చేస్తున్నాడు

Macherla Niyojakavargam

Rajitha Chanti |

Updated on: Nov 16, 2021 | 5:55 PM

యంగ్ హీరో నితిన్ జోరు పెంచాడు.. హిట్టు, ప్లాపులతో సంబంధం లేకుండా వరుస సినిమాలకు గ్రీన్ సిగ్నల్ ఇచ్చేస్తున్నాడు. ఇటీవల మ్యాస్ట్రో సినిమాతో ప్రేక్షకుల ముందుకు వచ్చిన నితిన్… హిట్ టాక్ సొంతం చేసుకున్నాడు. బాలీవుడ్ అందాదున్ సినిమాకు తెలుగు రీమేక్‏గా వచ్చిన ఈ మూవీ తెలుగు ఆడియన్స్‏ను ఆకట్టుకుంది. ఇందులో నితిన్ అందుడి పాత్రలో నటించగా.. మిల్కీ బ్యూటీ తమన్నా నెగిటివ్ పాత్రలో నటించి మెప్పించారు. ఇదిలా ఉంటే.. ప్రస్తుతం నితిన్.. ఎస్ఆర్ శేఖర్ దర్శకత్వంలో ఓ మూవీ చేస్తున్నాడు. ఈ చిత్రానికి మాచర్ల నియోజకవర్గం అనే టైటిల్ ఫిక్స్ చేసినట్లుగా ఇప్పటికే చిత్రయూనిట్ ప్రకటించింది. ఇందులో నితిన్ సరసన కృతి శెట్టి నటిస్తోంది. అయితే గత కొద్ది రోజులుగా ఈ మూవీలో మరో హీరోయిన్ కూడా నటించనున్నట్లుగా టాక్ వినిపిస్తుంది.

ఇస్మార్ట్ బ్యూటీ నిధి అగర్వాల్ ఇందులో సెకండ్ హీరోయిన్ గా నటించనున్నట్లుగా నెట్టింట్లో టాక్ వినిపించింది. తాజాగా ఈ రూమర్స్‏కు చెక్ పెట్టారు మాచర్ల నియోజకవర్గం మేకర్స్. ఇందులో నటించే సెకండ్ హీరోయిన్ ఎవరనే విషయాన్ని అధికారికంగా ప్రకటించారు. ఇందులో రెండవ కథనాయికగా.. కేథరిన్ థ్రెసాను ఫిక్స్ చేసినట్లుగా ప్రకటించింది చిత్రయూనిట్.. ప్రస్తుతం ఈ సినిమా షూటింగ్ హైదరాబాద్‌లో జరుగుతుండగా. ఆమె లెటేస్ట్ లుక్ రిలీజ్ చేశారు మేకర్స్. ఇక ఈ సినిమాకు మహతి స్వరసాగర్ సంగీతాన్ని అందిస్తుండగా.. నితిన్ సొంత బ్యానర్ పై నిర్మిస్తున్నారు. అలాగే ఈ సినిమాలో విలన్‌గా సముద్రఖని పేరు వినిపిస్తోంది. ఇక ఈ సినిమా వచ్చే ఏడాది ఏప్రిల్ 29న ప్రపంచవ్యాప్తంగా విడుదల కానుంది.

ట్వీట్..

Welcoming the Dazzling Actress @CatherineTresa1 on-board to #MacherlaNiyojakavargam ?

In Cinemas Worldwide from April 29th, 2022! ?@actor_nithiin @IamKrithiShetty @SrSekkhar @mahathi_sagar #SudhakarReddy #NikithaReddy #RajkumarAkella @SreshthMovies pic.twitter.com/tkTvDHPlyQ

— Sreshth Movies (@SreshthMovies) November 16, 2021