Actress : బాలకృష్ణ నేను క్లాస్ మేట్స్.. ఆయనతో పది సినిమాల్లో నటించాను.. సీనియర్ హీరోయిన్ కామెంట్స్..

సీనియర్ హీరోయిన్.. తెలుగు ప్రేక్షకులకు సుపరిచితమే. అప్పట్లో మెగాస్టార్ చిరంజీవి, బాలకృష్ణ, వెంకటేశ్ వంటి స్టార్ హీరోలతో ఎన్నో సూపర్ హిట్ చిత్రాల్లో నటించారు. ఆ తర్వాత యంగ్ హీరోల చిత్రాల్లో సహాయ నటిగా కనిపించారు. ఇప్పుడు ఆమె సినిమాలకు దూరంగా ఉంటున్నారు. ఇటీవల ఓ ఇంటర్వ్యూలో తన లైఫ్, మూవీ కెరీర్ గురించి ఆసక్తికర విషయాలు పంచుకున్నారు.

Balakrishna

Rajitha Chanti |
Updated on: Feb 11, 2026 | 8:52 PM

సీనియర్ హీరోయిన్ భానుప్రియ గురించి ప్రత్యేకంగా పరిచయం అక్కర్లేదు. దశాబ్దాలుగా ఎన్నో సినిమాల్లో వైవిధ్యమైన పాత్రలతో అలరించిన ఆమె.. ఇప్పుడు సినిమాలకు దూరంగా ఉంటున్నారు. కథానాయికగానే కాకుండా సహయ నటిగానూ మెప్పించారు. ఇటీవల ఓ ఇంటర్వ్యూలో తన సుదీర్ఘ సినీ ప్రస్థానం, వ్యక్తిగత జీవితంలోని కొన్ని కీలకమైన అంశాలను అభిమానులతో పంచుకున్నారు. తన కెరీర్ లో అత్యున్నత దశలో ఉన్నప్పుడు దర్శకేంద్రుడు కె. రాఘవేంద్రరావు దర్శకత్వంలో, వి. దొరస్వామి రాజు నిర్మించిన అన్నమయ్య చిత్రంలో పద్మావతి పాత్రను అంగీకరించడం గురించి ఆమె వివరించారు. సాధారణంగా కెరీర్ పీక్స్ లో ఉన్నప్పుడు ఇలాంటి పాత్రలను చాలామంది అంగీకరించడానికి సందేహిస్తారని, కానీ తాను మాత్రం ఏమాత్రం ఆలోచించకుండా వెంటనే ఒప్పుకున్నానని చెప్పారు.

ఎక్కువమంది చదివినవి : Actor : సూపర్ స్టార్ కొడుకు.. అయినా అవకాశాలు ఇవ్వలేదు.. ఒక్క సినిమాతో ఇండస్ట్రీనే షేక్ చేశాడు..

వెంకటేశ్వర స్వామి భక్తురాలైన భానుప్రియ, అన్నమయ్య వంటి గొప్ప ప్రాజెక్ట్ లో భాగం కావడం ఒక అద్భుత అవకాశం అని, అది అందరికీ దొరకదని అన్నారు. అన్నమయ్య పాటలకు తాను నృత్యం నేర్చుకున్నానని, ముఖ్యంగా అలిగో అల్లదిగో పాట కొరియోగ్రఫీ చాలా బాగా చేశారని గుర్తు చేసుకున్నారు. పద్మావతి పాత్ర తనకు దక్కినందుకు ఎంతో ఆనందంగా ఉందని, చిన్న వేషమా, పెద్ద వేషమా అని ఆలోచించకుండా వెంటనే అవును అని చెప్పేశానని తెలిపారు. అన్నమయ్య సినిమా అనుభవాల గురించి మాట్లాడుతూ, ఆ చిత్రంలో నటించిన వారితో పాటు సాంకేతిక నిపుణులు సైతం అనేక అద్భుతాలు చోటు చేసుకున్నాయని చెప్పినట్లు ఆమె ప్రస్తావించారు.

ఎక్కువమంది చదివినవి : Jabardasth: జబర్దస్త్ మానేసి తప్పు చేశాను.. మాటలు నమ్మి అలా జరిగింది..జబర్దస్త్ కమెడియన్..

తన వ్యక్తిగత జీవితంలో అన్నమయ్య సినిమా తర్వాత చోటు చేసుకున్న ఒక ముఖ్యమైన సంఘటనను భానుప్రియ వెల్లడించారు. అన్నమయ్య విడుదలైన ఒకటి లేదా రెండు సంవత్సరాల తర్వాత తన వివాహం జరిగిందని, ఇది తన జీవితంలో ఒక గొప్ప మలుపు అని అన్నారు. ఒక అద్భుతమైన భర్త, మంచి కుటుంబాన్ని దేవుడు ఆశీర్వదించాడని అన్నారు. చిన్నప్పటి నుండి తిరుపతి వెంకటేశ్వర స్వామి పట్ల తనకు అపారమైన భక్తి ఉందని, స్కూల్ సెలవుల్లో తన తండ్రి తనను తిరుపతికి తీసుకువెళ్లేవారని గుర్తు చేసుకున్నారు.

సుమన్ తో 14 సినిమాల్లో నటించడం విశేషం అని అన్నారు. సుమన్ చాలా మర్యాదస్తులు, ప్రశాంతంగా ఉంటారని ప్రశంసించారు. బాలకృష్ణతో సుమారు 8 నుండి 10 చిత్రాల్లో పనిచేశానని, ఆయన చాలా ఉత్సాహంగా ఉంటారని చెప్పారు. వంశీ దర్శకత్వంలో తాను నటించిన సీతార (క్లాసికల్ డ్యాన్సర్, హోమ్లీ క్యారెక్టర్) , అన్వేషణ (వెస్టర్నైజ్డ్, సంగీతానికి ప్రాధాన్యత) వంటి చిత్రాలను ప్రస్తావించారు.