Prabhu Deva: 50 ఏళ్ళ వయస్సులో నాలుగోసారి తండ్రి అయిన నటుడు..!
ప్రముఖ నటుడు, డైరెక్టర్, కొరియోగ్రాఫర్ అయిన ప్రభు దేవా గురించి ప్రత్యేకంగా చెప్పనవసరం లేదు. తన విలక్షణ డ్యాన్స్‌ మువ్‌మెంట్లతో ఇండియన్ మైకేల్ జాక్సన్‌గా పేరుతెచ్చుకున్నాడు ప్రభుదేవా. తాజాగా ఆయన నాలుగోసారి..
Updated on: Jun 11, 2023 | 5:14 PM
ప్రముఖ నటుడు, డైరెక్టర్, కొరియోగ్రాఫర్ అయిన ప్రభు దేవా గురించి ప్రత్యేకంగా చెప్పనవసరం లేదు. తన విలక్షణ డ్యాన్స్‌ మువ్‌మెంట్లతో ఇండియన్ మైకేల్ జాక్సన్‌గా పేరుతెచ్చుకున్నాడు ప్రభుదేవా. తాజాగా ఆయన నాలుగోసారి తండ్రి అయ్యాడు. ప్రభుదేవా రెండో భార్య హిమాని సింగ్‌ ఆడపిల్లకు జన్మనిచ్చింది. ప్రభుదేవా మొదటి భార్య రమలత్‌ ద్వారా ఇప్పటికే ముగ్గురు కొడుకులకు తండ్రి అయ్యాడు. వీరి పెద్ద కొడుకు 2008 మృతి చెందాడు. ఆ తర్వాత కొంతకాలం లేడీ సూపర్‌స్టార్‌ నయన్‌తో ప్రేమాయణం సాగించాడు. దీంతో మొదటి భార్యతో విబేధాలు తలెత్తి 2011లో విడాకులు తీసుకున్నారు. నయన్‌, ప్రభుదేవా జంట పెళ్లి కూడా చేసుకోవాలనుకున్నారు.. కానీ అంతలోనే విడిపోయారు.
అనంతరం కొంతకాలంపాటు సింగిల్‌గా ఉన్నాడు. ముంబాయికి చెందిన సైకోథెరపిస్ట్‌ హిమాని సింగ్‌తో ప్రేమలోడి, 2020లో ఆమెను వివాహం చేసుకున్నాడు. వీరి వివాహం చాలా రోజులు రహస్యంగా ఉంచినా, ఈ మధ్యనే తన రెండో పెళ్లి సంగతులు బయటపెట్టాడు. ఈ క్రమంలో హిమాని సింగ్‌ తాజాగా మొదటి సంతానానికి జన్మనిచ్చింది. ఈ విషయాన్ని కూడా ప్రభుదేవా చాలా సీక్రెట్‌గా ఉంచాలనుకున్నట్లు సమాచారం. ఇకపోతే ప్రభుదేవా వయస్సు ప్రస్తుతం 50 ఏళ్లు. హాఫ్ సెంచరీకి మంచి గిఫ్ట్ వచ్చిందంటూ అభిమానులు నెట్టింట సందడి చేస్తున్నారు. దీనిపై ప్రభుదేవా ఇప్పటి వరకూ స్పందించలేదు.
కాగా డ్యాన్సర్‌, కొరియోగ్రాఫర్‌గా సినీరంగంలో అడుగుపెట్టిన ప్రభుదేవా.. లెజెండరీ డైరెక్టర్ శంకర్‌ తెరకెక్కించిన ప్రేమికుడు సినిమాలో తొలిసారిగా హీరోగా నటించాడు. ఆ తర్వాత వరుస సినిమాల్లో నటిస్తూ.. హిట్లు అందుకున్నాడు. తెలుగునాట 2005లో విడుదలై ఘన విజయం సాధించిన ‘నువ్వొస్తానంటే.. నేనొద్దంటానా’ మువీతో డైరెక్టర్‌గా కూడా మారాడు. తెలుగు, హిందీ, తమిళ భాషల్లో దాదాపు 12కుపైగా చిత్రాలకు డైరెక్టర్‌గా పనిచేశాడు.
మరిన్ని సినిమా కథనాల కోసం క్లిక్‌ చేయండి.
