Pawan Kalyan: ‘ఆహ్వానించారు.. కానీ రాలేకపోతున్నందుకు చింతిస్తున్నాను’.. పవన్ కళ్యాణ్ స్పెషల్ నోట్..
పొలిటికల్ మీటింగ్స్ ఉండడం వల్ల మీ వేడుకకు రాలేకపోతున్నందుకు చింతిస్తున్నాను.
Updated on: Mar 01, 2023 | 9:04 PM
కబ్జ సినిమా ఆడియో విడుదల కార్యక్రమానికి తనను అతిథిగా అహ్వానిస్తే.. రాలేకపోయినందుకు చింతిస్తున్నాను అన్నారు జనసేన పార్టీ అధ్యక్షుడు పవర్ స్టార్ పవన్ కళ్యాణ్. ఈ మేరకు ప్రెస్ నోట్ విడుదల చేశారు. “కబ్జ సినిమా హీరో ఉపేంద్ర, సుదీప్ లకు నా హృదయపూర్వక అభినందనలు. వాళ్లిద్దరితో నాకు చాలా కాలంగా పరిచయం ఉంది. ఉపేంద్ర, సుదీప్ ఇద్దరూ విభిన్నమైన పాత్రలలో నటించారు. ఈ సినిమా కన్నడతోపాటు అన్ని భాషల్లోనూ విజయం సాధించాలని కోరుకుంటున్నాను. ఈ సినిమా ఆడియో విడుదల వేడుకకు నన్ను ఆహ్వానించినందుకు ఈ చిత్రబృందానికి కృతజ్ఞతలు. పొలిటికల్ మీటింగ్స్ ఉండడం వల్ల మీ వేడుకకు రాలేకపోతున్నందుకు చింతిస్తున్నాను.
కజ్బ సినిమాతో డైరెక్టర్ ఆర్. చంద్రు మరో బ్లాక్ బస్టర్ హిట్ అందుకుంటారని భావిస్తున్నాను.. విడుదలయ్యే అన్ని భాషల్లోనూ ఈ సినిమా మంచి విజయం సాధించాలని కోరుకుంటున్నాను” అని పవన్ పేర్కొన్నారు. కన్నడ హీరో ఉపేంద్ర, శ్రియా, తాన్యా హోప్ తదితరులు నటించిన కబ్జ సినిమా మార్చి 17న ప్రేక్షకుల ముందుకు రానుంది. ఈ సందర్భంగా ఈ చిత్రయూనిట్ కర్ణాటకలో ఆడియో లాంచ్ నిర్వహించింది. మార్చి 2న ట్రైలర్ రిలీజ్ కానుంది.
మరిన్ని సినిమా వార్తల కోసం ఇక్కడ క్లిక్ చేయండి.
