Naresh-Pavitra Lokesh : పెళ్లి బంధంతో ఒక్కటయిన నరేష్.. పవిత్ర లోకేష్.. మ్యారెజ్ వీడియో రిలీజ్..
అతికొద్ది మంది సన్నిహితుల సమక్షంలో వీరి మ్యారేజ్ జరిగినట్లుగా తెలుస్తోంది. సంప్రదాయబద్దంగా మూడుముళ్లు ఏడడుగులు వేసిన జంట.
Updated on: Mar 10, 2023 | 11:55 AM
సినీ నటుడు నరేష్.. పవిత్ర లోకేష్ మూడు మూళ్ల బంధంతో ఒక్కటయ్యినట్లుగా తెలుస్తోంది. కొద్ది రోజుల క్రితం తాము పెళ్లి చేసుకోబోతున్నట్లుగా న్యూఇయర్ సందర్భంగా వీడియోతో అనౌన్స్ చేసిన ఈ జంట.. తాజాగా పెళ్లి చేసుకున్నారు. అతికొద్ది మంది సన్నిహితుల సమక్షంలో వీరి మ్యారేజ్ జరిగినట్లుగా తెలుస్తోంది. సంప్రదాయబద్దంగా మూడుముళ్లు ఏడడుగులు వేసిన జంట. కొత్త సంవత్సరం సందర్భంగా కొత్త ప్రారంభాలు అని.. అందరి ఆశీస్సులు కావాలంటూ తమ రిలేషన్ గురించి అఫీషియల్ ఎనౌన్స్మెంట్ ఇచ్చిన సంగతి తెలిసిందే.
త్వరలోనే పెళ్లి చేసుకోబోతున్నాం అంటూ తమ బంధాన్ని రివీల్ చేస్తూ ఓ వీడియోను సోషల్ మీడియా పేజ్లో షేర్ చేశారు కూడా. నరేశ్ చాలా కాలం నుంచి తన మూడో భార్య రమ్యకు దూరంగా ఉంటున్నారు. మనస్పర్థలు కారణంగా పవిత్ర సైతం తన భర్తకు దూరంగా ఉంటూ వస్తున్నారు. పలు సినిమాల్లో కలిసి నటించిన.. వీరివురు… కొద్ది రోజులుగా సహజీవనం చేస్తున్నారు. తాజాగా పెళ్లి బంధంతో ఒక్కటయ్యారు నరేష్ పవిత్ర లోకేశ్.
వీరికి సినిమాల సమయంలో ఏర్పడిన పరిచయం కొద్ది రోజుల్లోనే ప్రేమగా మారింది. కొద్ది రోజులు ప్రేమాయణం సాగించిన ఈ జంట.. ఆ తర్వాత కొత్త సంవత్సరం సందర్భంగా తమ ప్రేమ విషయాన్ని బయటపెట్టారు. దీంతో నరేష్ మూడో భార్య రమ్య రఘుపతి మీడియా ముందు సంచలన వ్యాఖ్యలు చేసింది. వారిద్దరిని పెళ్లి చేసుకోనివ్వనని.. నరేష్ పై తీవ్ర ఆరోపణలు చేసింది. ఆ మధ్య వీరిద్దరి ప్రేమాయణం ఫిల్మ్ సర్కిల్లో హాట్ టాపిక్ గా మారింది. ఇక కొన్ని రోజులుగా సైలెంట్ గా ఉన్న ఈ జంట.. తాజాగా పెళ్లి చేసుకుని షాకిచ్చారు. తమ పెళ్లి వేడుకకు సంబంధించిన వీడజియోను సోషల్ మీడియాలో షేర్ చేయగా.. నెటిజన్స్ శుభాకాంక్షలు తెలుపుతున్నారు.
మరిన్ని సినిమా వార్తల కోసం ఇక్కడ క్లిక్ చేయండి.
