అభిమానులకు ఒకేసారి డబుల్ ట్రీట్ ఇవ్వనున్న నాని.. కానీ ఆ విషయాన్ని మాత్రం బయటపెట్టని నేచురల్ స్టార్..

నేచురల్ స్టార్ నాని ప్రస్తుతం వరుస సినిమాలు చేస్తూ ఫుల్ బిజీగా మారాడు. ప్రస్తుతం ఈ స్టార్ శివ నిర్వాణ డైరెక్షన్‏లో టక్ జగదీష్ సినిమా చేస్తుండగా..

Rajitha Chanti |
Updated on: Feb 19, 2021 | 9:42 PM

నేచురల్ స్టార్ నాని ప్రస్తుతం వరుస సినిమాలు చేస్తూ ఫుల్ బిజీగా మారాడు. ప్రస్తుతం ఈ స్టార్ శివ నిర్వాణ డైరెక్షన్‏లో ‘టక్ జగదీష్’ సినిమా చేస్తుండగా.. మరోవైపు రాహుల్ సంకీర్త్యన్ దర్శకత్వంలో ‘శ్యామ్ సింఘరాయ్’ సినిమాను చేస్తున్నాడు. ఇటీవల విడుదలైన టక్ జగదీష్ పోస్టర్లతో ఈ మూవీపై ఆసక్తిని పెంచేశారు చిత్రయూనిట్. ఇక అటు శ్యామ్ సింగరాయ్ కూడా ప్రారంభమైయింది. తాజాగా నాని ఓ క్రేజీ అప్‏డేట్‏తో అభిమానుల ముందుకొచ్చాడు.

నాని ప్రస్తుతం నటిస్తున్న టక్ జగదీష్ టీజర్ మరియు శ్యామ్ సింఘరాయ్ ఫస్ట్ లుక్ పోస్టర్ రెడీ అయ్యాయి.. అంటూ తన ట్విట్టర్ వేదికగా ట్వీట్ చేశాడు. కానీ ఈ రెండు ఏ రోజున విడుదల కానున్నాయనే విషయాన్ని మాత్రం చెప్పలేదు. రెండు సినిమాల‌పై ఒకే రోజు అప్‌డేట్ ఇచ్చిన నాని..మ‌రి ఫ‌స్ట్ లుక్‌, టీజ‌ర్‌ను ఒకేసారి రిలీజ్ చేస్తాడా..? లేదా? అనేది తెలియాలంటే మ‌రికొంత‌కాలం వెయిట్ చేస్తే తెలుస్తుంది.