Baahubali: ఆరేళ్ళ బాహుబలి.. అమరేంద్ర బాహుబలి అదిరిపోయే ఫోటో షేర్ చేసిన పాన్ ఇండియా స్టార్

తెలుగు సినిమా స్థాయిని ప్రపంచం నలుమూలల చాటి చెప్పిన సినిమా బాహుబలి. తెలుగు సినిమా చరిత్రలో సరికొత్త అధ్యయనాన్ని లిఖించింది బాహుబలి.

Bahubali

Rajeev Rayala |

Updated on: Jul 10, 2021 | 3:23 PM

Baahubali: తెలుగు సినిమా స్థాయిని ప్రపంచం నలుమూలల చాటి చెప్పిన సినిమా బాహుబలి. తెలుగు సినిమా చరిత్రలో సరికొత్త అధ్యయనాన్ని లిఖించింది బాహుబలి. అప్పటివరకు టాలీవుడ్ కు మాత్రమే పరిమితమైన ప్రభాస్ స్టామినాను ప్రపంచానికి పరిచయం చేసింది ఈ సినిమా. ఈ ఒక్క సినిమాతో డార్లింగ్ పాన్ ఇండియా స్టార్ గా మారిపోయారు. దర్శక ధీరుడు రాజమౌళి తెరకెక్కించిన బాహుబలి సినిమా రెండు భాగాలుగా ప్రేక్షకుల ముందుకు వచ్చిన విషయం తెలిసిందే. సరిగ్గా ఇదే రోజు అంటే జులై 10న బాహుబలి ది బిగినింగ్ రిలీజ్ అయ్యింది. భారీ అంచనాల మధ్య విడుదలైన ఈ సినిమా అభిమానుల అంచనాలకు మించి ఉండటం తో భారీ విజయాన్ని సొంతం చేసుకుంది. ‘మహేంద్ర బాహుబలి’ ‘అమరేంద్ర బాహుబలి’ రెండు పాత్రల్లో ప్రభాస్ నటించగా.. భల్లాల దేవుడిగా రానా – దేవసేన గా అనుష్క – అవంతిక గా తమన్నా – శివగామిగా రమ్యకృష్ణ – కట్టప్ప గా సత్యరాజ్ – బిజ్జల దేవుడిగా నాజర్ నటించారు.అద్భుతమైన గ్రాఫిక్స్ తో విజువల్ వండర్ గా వచ్చిన బాహుబలి అన్నివర్గాల ప్రేక్షకులను అలరించింది. వెండి తెర అద్భుతంగా వచ్చిన ఈ సినిమా అప్పటివరకు ఉన్న రికార్డులను చెరిపేసింది. ‘బాహుబలి-1’ చిత్రం 2015 జూలై 10న విడుదలైంది. అంటే సరిగ్గా నేటికి 6 ఏళ్ళు పూర్తి చేసుకుంది.

ఈ సందర్భంగా పాన్ ఇండియా స్టార్ ప్రభాస్ తన సోషల్ మీడియా లో ఓ ఫోటోను షేర్ చేశారు. ఈ సినిమాలో ప్రభాస్ శివలింగాన్ని ఎత్తుకునే అద్భుతమైన సన్నివేశనికి సంబంధించిన ఫోటోను షేర్ చేసాడు ప్రభాస్. ‘దేశవ్యాప్తంగా మరియు ప్రపంచవ్యాప్తంగా సినిమాటిక్ మ్యాజిక్ తరంగాలను సృష్టించిన చిత్ర బృందం ఇక్కడ ఉంది” అని పోస్ట్ చేసిన ప్రభాస్.. ‘బాహుబలి’ చిత్రానికి వర్క్ చేసిన వారందరినీ ట్యాగ్ చేశారు. పాన్ ఇండియా మూవీగా విడుదలైన ఈ సినిమా భారీ వసూళ్లను సాధించింది. ఈ సినిమాను సుమారు 500 కోట్లకు పైగా వసూల్ చేసి సరికొత్త రికార్డ్ ను తన ఖాతాలో వేసుకుంది.