Bandla Ganesh: ‘నా ఊపిరి నీకు దాసోహం’.. తన దేవర పై బండ్ల గణేష్ కురిపించిన కవితావర్షం..

ఇవి పండిపోయిన కవి కూర్చిన అక్షరాలు కావు. వేదబ్రహ్మ నోటి నుంచి వచ్చిన ముత్యాల కూర్పులు అసలే కావు.. ఇవి దేవుని కోసం కట్టిన అక్షరమాలలు కనే కావు.. యోగి కోసం చెప్పిన శిశ్యుడి శతకాలు కావు..

Pawan Kalyan

TV9 Telugu Digital Desk | Edited By: Rajeev Rayala

Updated on: Jul 10, 2021 | 2:54 PM

నా మాట నా బాట నీ కాడకే కదా నా దేవరా.. నా ఊపిరి నీకు దాసోహం.. నా తనువు నీకు దేవళం .. నా దేవరా

ఇవి పండిపోయిన కవి కూర్చిన అక్షరాలు కావు. వేదబ్రహ్మ నోటి నుంచి వచ్చిన ముత్యాల కూర్పులు అసలే కావు.. ఇవి దేవుని కోసం కట్టిన అక్షరమాలలు కనే కావు.. యోగి కోసం చెప్పిన శిశ్యుడి శతకాలు కావు.. మరేంటివి? బండ్ల వారి అచ్చ తెలుగు భాషితాలు.. తన దేవర పవన్‌ కోసం కూర్చిన అక్షర మాళికలు. పవన్‌ అంటే చాలా మందికి హీరో మాత్రమే… బండ్ల గణేష్ కు మాత్రం దేవర. ప్రతి రోజు కొలిచే.. కోరిన కోర్కెలు తీర్చే.. కష్ట కాలంలో ఆదుకునే.. దేవర..! అందుకే బండ్ల గణేష్ ఎప్పుడూ ఆయన పేరే తలుస్తూ… ఆయన్నే కొలస్తూ.. ఉంటారు. వేదికల మీద ఛాన్స్‌ దొరికితే ఆయన భజన.. చేస్తూ… తన భక్తిని బహిరంగంగా చూపిస్తుంటారు. ఆయన కరుణ కటాక్షాలను పొందుతుంటారు. సోషల్ మీడియాలోనూ బండ్ల పవన్ పై తన అభిమానాన్ని ఎప్పటికప్పుడు అభిమానులతో పంచుకుంటూనే ఉంటారు. పవన్ కు సంబంధించిన ఫోటోలను షేర్ చేస్తూ పవన్ అభిమానులకు మరింత దగ్గరవుతుంటాడు.

అలా తాజాగా ట్విట్టర్ వేదికగా కూడా అదే చేశారు బండ్ల. తనకు తోచినట్టు… తనకు వచ్చిన్టటు… తనకు అనిపించి నట్టు పవన్‌ మీద ఏకంగా ఓ కవితను రాసేశాడు. రాయడమే కాదు.. పవన్‌ తో దిగిన పలు రకాల ఫోటోలతో పాటు ట్విట్టర్‌లో పోస్ట్ చేశారు. ఇప్పుడా పోస్ట్.. నెట్టింట వైరల్ అవుతోంది. ఆ కవితేమో పవన్‌ ఫ్యాన్స్‌ థీమ్‌గా మారిపోతోంది.

నా మాట నా బాట నీ కాడకే కదా నా దేవరా.. నా ఊపిరి నీకు దాసోహం.. నా తనువు నీకు దేవళం .. నా దేవరా ? ⁦@PawanKalyan⁩ pic.twitter.com/w6JMdm2BwJ

— BANDLA GANESH. (@ganeshbandla) July 10, 2021