30 Weds 21 Season 2: ఆకట్టుకుంటున్న 30 వెడ్స్ 21 టీజర్.. ప్రపంచాన్ని చూసేందుకు సిద్ధమయిన జంటపక్షులు..

యూట్యూబ్‏లో ఇప్పటివరకు హిట్ అయిన వెబ్ సిరీస్‏లలో 30 వెడ్స్ 21 (30 Weds 21) ఒకటి . 2021 ఏడాదిలోనే అత్యంత ప్రేక్షకాదరణ పొందిన వెబ్ సిరీస్ ఇది. 30 ఏళ్ల వ్యక్తికి 21 ఏళ్ల అమ్మాయితో వివాహం జరగడం అనే కాన్సెప్ట్‏తో ప్రేక్షకుల ముందుకు వచ్చిన ఈ సిరీస్ ఆకట్టుకుంది. దాదాపు తొమ్మిది సంవత్సరాల ఏజ్ గ్యాప్ ఉన్న జంట మధ్య ఎలాంటి భావోద్వేగాలు ఉంటాయో చూపించారు మేకర్స్. ఇందులో హీరోగా చైతన్య, హీరోయిన్‏గా అనన్య నటించి మెప్పించారు. ఈ సిరీస్ అతి తక్కువ సమయంలోనే మంచి టాక్ సంపాదించుకుని సూపర్ హిట్ అయ్యింది. అయితే ఎంతో హిట్ అయిన ఈ సిరీస్‏కు కొనసాగింపుగా సెకండ్ సీజన్ తెరకెక్కిస్తున్నారు. నిన్న విడుదలైన 30 వెడ్స్ 21 సెకండ్ సీజన్ ఫస్ట్ లుక్ రిలీజ్ చేశారు మేకర్స్.

ఇదిలా ఉంటే.. తాజాగా ఈ సిరీస్ సెకండ్ సీజన్ టీజర్ రిలీజ్ చేశారు. ఇక మనిద్దరి మధ్య ఎలాంటి సమస్యలు రావు అంటూ పృథ్వీ చెప్పే డైలాగ్‏తో ఈ టీజర్ ప్రారంభమవుతుంది. ఇందులో చైతన్య, అనన్య.. ఇద్దరూ అనేక భావోద్యేగాల మధ్య కలిసిన ప్రేమ పక్షుల్లా విహరించడం, అనుభూతి చెందడం ఈ టీజర్‏లో చూపించారు. నాన్న బుజాల మీదెక్కి చూసే ప్రపంచానికి.. మన కాళ్ల మీద నిలబడి చూసే ప్రపంచానికి చాలా తేడా ఉంటుంది.. అంటూ సాగే డైలాగ్ ఆకట్టుకుంటుంది. ఈ సిరీస్ ప్రేమికుల రోజు సందర్భంగా ఫిబ్రవరి 14న విడుదల కానుంది. దీనికి మనోజ్ పీ కథ అందించగా.. పృథ్వీ వనం దర్శకత్వం వహించారు. జోస్ జిమ్మీ సంగీతం అందించారు.

Also Read: Khiladi : రవితేజ ‘ఖిలాడి’లో విలక్షణ నటుడు.. స్పెషల్ పోస్టర్ రిలీజ్ చేసిన చిత్రయూనిట్..

Mahesh Babu: మహేష్‌ కూడా రిలీజ్‌ డేట్‌ ప్రకటించేశాడోచ్‌.. సర్కారు వారి పాట ఎప్పుడు రానుందంటే..

Tollywood: టాలీవుడ్‌లో జోష్‌ పెంచిన ఆర్‌ఆర్‌ఆర్‌ ప్రకటన.. వరుసగా సినిమాల తేదీలపై అప్‌డేట్స్‌..

Nikki Galrani: రీఎంట్రీ కి సై అంటున్న బుజ్జిగాడు ముద్దుగుమ్మ..? ‘నిక్కీ గల్రానీ’ న్యూ ఫొటోస్..