Khiladi : రవితేజ ‘ఖిలాడి’లో విలక్షణ నటుడు.. స్పెషల్ పోస్టర్ రిలీజ్ చేసిన చిత్రయూనిట్..

మాస్ మహారాజా రవితేజ హీరోగా తెరకెక్కిన సినిమా ఖిలాడి. రమేష్ వర్మ దర్శకత్వంలో ఈ సినిమా తెరకెక్కుతుంది. రాక్షసుడు సినిమాతో హిట్ అందుకున్న రమేష్ వర్మ ఇప్పుడు ఖిలాడి సినిమాతో రాబోతున్నారు.

Khiladi

Rajeev Rayala |

Updated on: Jan 31, 2022 | 10:11 PM

Khiladi : మాస్ మహారాజా రవితేజ హీరోగా తెరకెక్కిన సినిమా ఖిలాడి. రమేష్ వర్మ దర్శకత్వంలో ఈ సినిమా తెరకెక్కుతుంది. రాక్షసుడు సినిమాతో హిట్ అందుకున్న రమేష్ వర్మ ఇప్పుడు ఖిలాడి సినిమాతో రాబోతున్నారు. అటు క్రాక్ సినిమాతో ట్రాక్ లోకి వచ్చిన రవితేజ ఇప్పుడు అదే జోష్ లో వరుస సినిమాలు చేస్తున్నారు. ఇక ఖిలాడీ సినిమాలో హీరోయిన్స్ గా డింపుల్ హయతి, మీనాక్షి చౌదరి నటిస్తున్నారు. ఇప్పటికే విడుదలైన ఈ సినిమా పోస్టర్లు, టీజర్, పాటలు సినిమా పై ఆసక్తి క్రియేట్ చేశాయి. ఇక ఈ సినిమాలో రవితేజ డ్యూయల్ రోల్ లో కనిపించనున్నారని టాక్. ఇక ఖిలాడి సినిమాను ఫిబ్రవరి 11న ప్రేక్షకుల ముందుకు తీసుకురానున్నారు. విడుదల తేదీ దగ్గర పడుతుండటం తో ప్రమోషన్స్ స్పీడ్ పెంచారు చిత్రయూనిట్. ఈ క్రమంలో సినిమాలో కీలక పాత్రల్లో నటిస్తున్న నటుల పోస్టర్లను విడుదల చేస్తున్నారు.

ఈ క్రమంలో తాజాగా ఖిలాడి నుంచి విలక్షణ నటుడు మురళి శర్మ లుక్ ను రిలీజ్ చేశారు. గతంలో చాలా సినిమాల్లో నటించిన మురళి శర్మ.. ఆ తర్వాత అల వైకుంఠపురంలో సినిమాలో మురళీ శర్మ నటన ప్రేక్షకులను ఆకట్టుకుంది. అంతే కాదు ఆతర్వాత పలు సినిమాల్లో కీలక పాత్రలో నటిస్తూ వస్తున్నారు. ఏఈ మధ్య కాలంలో ఆయన ప్రతి సినిమాలో కనిపిస్తున్నారు. ఇక ఖిలాడీ సినిమాలో మురళి శర్మ పుట్టపర్తి అనే పాత్రలో కనిపించనున్నారు. ఆరోగ్య జాగ్రత్తలు ఎక్కువ తీసుకునే వ్యక్తి పాత్రలో మురళి శర్మ నటించబోతున్నారని చిత్రయూనిట్ తెలిపారు. నుదిటిన బొట్టు పెద్ద మనిషి తరహాలో కళ్ల జోడు, పైజామాతో చాలా సింపుల్ లుక్ లో కనిపించారు మురళి శర్మ. ఈ సినిమా గత సమ్మర్ లోనే రావాల్సి ఉన్నా కూడా కరోనా వరుస వేవ్ ల కారణంగా వాయిదా వేస్తూ వచ్చారు. మొత్తానికి ఫిబ్రవరి 11న ప్రేక్షకుల ముందుకు రాబోతుంది.