Jabardasth Faima: ‘అందుకే మేం దూరమయ్యాం’.. ప్రవీణ్‌తో వీణ్‌తో బ్రేకప్‌కు అసలు కారణం చెప్పేసిన ఫైమా

ప‌టాస్ షోతో బుల్లితెరకు పరిచయమైన ఈ కామెడీ క్వీన్ జబర్దస్త్ తో మంచి గుర్తింపు తెచ్చుకుంది. తనదైన కామెడీ పంచులు, ప్రాసలు వేస్తూ బుల్లితెర ప్రేక్షకులకు బాగా చేరువైంది. ముఖ్యంగా పటాస్ ప్రవీణ్ తో ఫైమా చేసిన స్కిట్లు బుల్లితెర ఆడియెన్స్ ను కడుపుబ్బా నవ్వించాయి. అయితే ఆన్‌స్క్రీన్‌లో జంటగా కనిపించే ఫైమా, ప్రవీణ్ రియల్ లైఫ్‌ లోనూ ప్రేమలో మునిగితేలుతున్నారని ప్రచారం జరిగింది.

Jabardasth Faima

Basha Shek |
Updated on: May 06, 2024 | 6:06 PM

సాధారణంగా సినిమా ఇండస్ట్రీలో పురుషులదే ఆధిపత్యం ఉంటుంది. అది బుల్లితెర అయినా.. వెండితెర అయినా. ముఖ్యంగా తెలుగు బుల్లితెరపై మేల్ కమెడియన్ల ఆధిపత్యమే ఎక్కువ. అయితే అప్పుడప్పుడు కొందరు లేడీ కమెడియన్స్ కూడా బుల్లితెరపై సత్తా చాటుతున్నారు. తమకంటూ ఓ ప్రత్యేక గుర్తింపు తెచ్చుకుంటున్నారు. అలాంటి వారిలో ఫైమా ముందుంటుంది. ప‌టాస్ షోతో బుల్లితెరకు పరిచయమైన ఈ కామెడీ క్వీన్ జబర్దస్త్ తో మంచి గుర్తింపు తెచ్చుకుంది. తనదైన కామెడీ పంచులు, ప్రాసలు వేస్తూ బుల్లితెర ప్రేక్షకులకు బాగా చేరువైంది. ముఖ్యంగా పటాస్ ప్రవీణ్ తో ఫైమా చేసిన స్కిట్లు బుల్లితెర ఆడియెన్స్ ను కడుపుబ్బా నవ్వించాయి. అయితే ఆన్‌స్క్రీన్‌లో జంటగా కనిపించే ఫైమా, ప్రవీణ్ రియల్ లైఫ్‌ లోనూ ప్రేమలో మునిగితేలుతున్నారని ప్రచారం జరిగింది. అందుకు తగ్గట్టే వీరిద్దరూ కలిసి ఇన్ స్టాలో రీల్స్ చేయడం, పోస్ట్‌ లు షేర్ చేసుకోవడం, బహుమతులు ఇచ్చిపుచ్చుకోవడంలో ఫైమా, ప్రవీణ్ ల మధ్య సమ్ థింగ్ సమ్ థింగ్ ఉందని జనాలు భావించారు. అయితే ఇంతలోనే ఒక షాకింగ్ విషయం చెప్పాడు ప్రవీణ్. ఇటీవల ఓ ఇంటర్వ్యూలో ఫైమా తన ప్రేమను తిరస్కరించిందని ప్రవీణ్ వెల్లడించాడు. ఇప్పుడు ఇదే విషయంపై ఫైమా కూడా స్పందించంది.

‘టీవీ షోలు, ప్రోగ్రామ్ వేదికలపై క‌నిపించే జోడీలేవీ నిజం కాదు. అవి నిజ‌మ‌ని అసలు న‌మ్మొద్దు. ప్ర‌వీణ్‌, న‌న్ను ఆన్‌స్క్రీన్‌లో జోడీగా చూపించారు. ఆడియెన్స్ మా జంట‌ను ఆద‌రించారు. దాన్ని వాడుకుంటూ మేం కూడా యూట్యూబ్‌లో వీడియోలు, రీల్స్ చేశాం. అయితే ప్ర‌వీణ్‌కు, నాకు మ‌ధ్య కొన్ని పర్సనల్ ప్రాబ్లమ్స్ ఉన్నాయి. అందరి ముందు అవి చెప్పుకోలేం. అందుకే మేం దూరం కావాల్సి వ‌చ్చింది. ఇప్పుడు మేం కనీసం మాట్లాడుకోవ‌ట్లేదు కూడా’. గొడవ జరిగినప్పుడు దానిని పూర్తిగా పక్కన పెట్టేయాలి తప్ప అందరి ముందు చెప్పుకుని సమస్యను పెద్దది చేయకూడదు. కానీ ప్రవీణ్ కు తల్లితండ్రులు లేకపోవడంతో అతను మాట్లాడే మాటలు అతనిపై సింపథీకి దారి తీస్తున్నాయి. ఈ కారణంగా జనాలు నన్ను నెగెటివ్ గా చూస్తున్నారు. దయచేసి మా రిలేషన్ కు ఏ పేరూ పెట్టకండి’ అని అభ్యర్థించింది ఫైమా. ప్రస్తుతం ఈ లేడీ కమెడియన్ కామెంట్స్ నెట్టింట వైరల్ గా మారాయి.

ఇవి కూడా చదవండి