Shanmukh-Deepthi: ఆ స్పెషల్ రోజున మళ్లీ కలవనున్న లవ్‏బర్డ్స్.. నెట్టింట్లో జోరుగా ప్రచారం.. నిజమేనా మరీ ?

బిగ్‏బాస్ (Bigg Boss) ఇంట్లో ఏమైనా జరగొచ్చు అనేది తెలిసిన విషయమే. అయితే ఈ షో ద్వారా కొందరికి మంచి జరగగా.. మరికొందరికి చేదు జ్ఞాపకాలను మాత్రమే మిగిలిస్తుంది. ఇప్పటివరకు తెలుగులో 5 సీజన్లు విజయవంతంగా పూర్తైన సంగతి తెలిసిందే. అయితే సీజన్ 5లో మాత్రం ఫేమస్ యూట్యూబర్ షణ్ముఖ్ జశ్వంత్ (Shanmukh Jashwanth ) ఇమేజ్ మొత్తం డ్యామేజ్ అయిపోయింది. బిగ్‏బాస్ షో ద్వారా షణ్ముఖ్ క్రేజ్ తగ్గిపోగా.. సంవత్సరాలుగా వెన్నంటే ఉండి ప్రొత్సహించిన ప్రియురాలు కూడా దూరమైంది.

సోషల్ మీడియాలో షణ్ముఖ్, దీప్తి సునయనకు ఉన్న క్రేజ్ గురించి ప్రత్యేకంగా చెప్పాల్సిన పనిలేదు. బిగ్‏బాస్ సీజన్ 5లో షన్నూకు మొదటి నుంచి చివరకు సపోర్ట్ తెలిపిన దీప్తి షో ముగిసిన తర్వాత షన్నూకు బ్రేకప్ చెప్పి షాకిచ్చింది. ఇందుకు కారణం బిగ్‏బాస్ ఇంట్లో షణ్ముక్ ప్రవర్తన అనే చెప్పుకొవచ్చు. ఇక బ్రేకప్ అనంతరం ఎవరిదారి వారిదే అన్నట్లుగా వీరిద్దరు ఉంటున్నారు. దీప్తి నెట్టింట్లో ఫుల్ యాక్టివ్‏గా ఉండగా.. షన్నూ కూడా ఇన్ డైరెక్ట్‏గా సాడ్ స్టేటస్ పెడుతూ వస్తున్నాడు. అయితే దీప్తి.. షణ్ముఖ్ విడిపోవడం.. వారిద్దరి ఫాలోవర్స్‏ను ఎంతగానో బాధించింది. వీరిద్దరూ కలిస్తే బాగుండు అని అనుకున్నారంతా. ఈ క్రమంలోనే దీప్తి ఫాదర్ ఓ ఇంటర్వ్యూలో మాట్లాడుతూ.. వారిద్దరూ త్వరలోనే కలుస్తారంటూ చెప్పుకొచ్చారు. దీంతో మళ్లీ ఈ జంట కలవబోతుంది అంటూ నెట్టింట్లో తెగ ప్రచారం జరిగింది.

ఇదిలా ఉంటే.. ఫిబ్రవరి 14న ప్రేమికుల రోజు సందర్భంగా బిగ్‏బాస్ నిర్వాహాకులు మరో ప్లాన్ చేశారట. ఆ రోజు అయిదు సీజన్ల బిగ్‏బాస్ కంటెస్టెంట్స్ ను ఆహ్వానించి పెద్ద ఉత్సావం చేయబోతున్నట్లుగా టాక్. అయితే ఈ వేడుకకు దీప్తి, షన్నూ కూడా రాబోతున్నట్లుగా తెలుస్తోంది. దీంతో అదే స్టేజీపై వీరిద్దరూ మళ్లీ కలవబోతున్నారని సోషల్ మీడియాలో టాక్ వినిపిస్తోంది. ఇప్పటికే బిగ్‏బాస్ ఉత్సవం 2022 షూటింగ్ ఎపిసోడ్ జరుగుతున్నట్లుగా.. త్వరలోనే ఇది టెలికాస్ట్ కానున్నట్లుగా తెలుస్తోంది. ఇప్పటికే ఈ వేడుకకు సంబంధించిన ఫోటోస్, వీడియోస్ నెట్టింట్లో వైరల్ అవుతున్న సంగతి తెలిసిందే. దీంతో విడిపోయిన దీప్తి, షణ్ముఖ్ మళ్లీ కలుస్తున్నారు అని సమాచారంతో ఫ్యాన్స్ పుల్ ఖుషి అవుతున్నారు.

Also Read: Jayaprada: జయప్రద ఇంట తీవ్ర విషాదం.. హుటాహుటిన హైదరాబాద్ బయలుదేరిన సీనియర్ నటి

Brahmanandam Birthday: సినిమా తెర నుంచి డిజిటల్ పేజీల వరకూ బ్రహ్మాండమంత ఆనందం!

Panja Vaisshnav Tej : మెగా హీరో సినిమానుంచి మూడోవ సినిమా మొదటి సింగిల్ రెడీ అయ్యిందంటా..