Rakhi Sawant: వాలెంటైన్స్ డేకు ఒక్కరోజు ముందే బిగ్‏బాస్ బ్యూటీ షాకింగ్ ట్విస్ట్.. భర్తతో విడిపోతున్నట్లుగా ప్రకటన..

వాలెంటైన్స్ డేకు ఒక్కరోజు ముందుగానే బిగ్‏బాస్ బ్యూటీ షాకిచ్చింది. తన భర్తతో విడిపోతున్నట్లు సోషల్ మీడియా ద్వారా ప్రకటించింది.

Rakhi Sawanth

Rajitha Chanti |
Updated on: Feb 14, 2022 | 1:01 PM

వాలెంటైన్స్ డేకు ఒక్కరోజు ముందుగానే బిగ్‏బాస్ బ్యూటీ షాకిచ్చింది. తన భర్తతో విడిపోతున్నట్లు సోషల్ మీడియా ద్వారా ప్రకటించింది. హిందీ బిగ్‏బాస్ సీజన్ 15 కంటెస్టెంట్ రాఖీ సావంత్ (Rakhi Sawant) తన భర్తతో విడిపోతున్నట్లు నిన్న రాత్రి తన ఇన్ స్టా ఖాతాలో పోస్ట్ చేసింది. బిగ్‏బాస్ షో అనంతరం పరిస్థితులు మారిపోవడం వలన తన భర్త రితేష్‏తో విడిపోవడానికి నిర్ణయించుకున్నట్లు రాఖి సావంత్ తెలిపింది. తమ మధ్య ఏర్పడిన గొడవలను పరిష్కరించుకునేందుకు శక్తికి మించి ప్రయత్నించిన ఫలితం లేదని.. చివరకు విడిపోవడానికి సిద్దపడినట్లు రాఖీ తెలిపింది.

” ప్రియమైన అభిమానులు.. శ్రేయోభిలాషులు.. నేను రితేష్ విడిపోవాలని నిర్ణయించుకున్నాం. బిగ్‏బాస్ షో తర్వాతా నాకు తెలియకుండా… నా నియంత్రణలో లేనివి చాలా జరిగాయి. మేము మా ఇద్దరి మధ్య ఏర్పడిన విభేధాలను, గొడవలను పరిష్కరించుకోవడానికి చాలా ప్రయత్నించాము. చివరకు మేమిద్దరం విడిపోవడానికి నిర్ణయించుకున్నాం. ఇక పై మేము మా జీవితాలను వేరు వేరుగా కొనసాగిస్తాము. వాలెంటైన్స్ డేకు ఒక్కరోజు ముందుగా ఇది జరిగినందుకు చాలా బాధగా ఉంది. కానీ నిర్ణయం తప్పనిసరిగా తీసుకోవాల్సి వచ్చింది. రితేష్ జీవితంలో ఉత్తమంగా ఉండాలని కోరుకుంటున్నాను.. ఈ పరిస్థితులలో నేను నా కెరీర్ పై దృష్టి పెట్టాలి. ఇకపై నేను సంతోషంగా… ఆరోగ్యంగా ఉండాలనుకుంటున్నాను.. ఎల్లప్పుడూ నన్ను అర్థం చేసుకుని మద్దతు ఇస్తున్నందుకు అభిమానులకు ధన్యవాదాలు” అంటూ సుధీర్ఘ పోస్ట్ చేసింది రాఖీ సావంత్.

రాఖీ సావంత్ బిగ్‏బాస్ సీజన్ 14లో పాల్గోన్నప్పుడు తన భర్త రితేష్‏ను పరిచయం చేసింది. గతంలో రితేష్‏కు స్నిగ్ధప్రియతో వివాహం జరగగా.. వీరికి ఏడేళ్ల కుమారుడు ఉన్నాడు.. అయితే తనకు వివాహం జరిగిందన్ని విషయాన్ని దాచి పెట్టి రాఖీ సావంత్‍ను వివాహం చేసుకున్నాడని.. వీరి పెళ్లి చెల్లదని గతంలో రితేష్ మొదటి భార్య ఆరోపించింది.