Bheemla Nayak: భీమ్లా నాయక్ సినిమాపై స్పందించిన చంద్రబాబు, లోకేష్.. ఏమన్నారంటే..
Bheemla Nayak: పవన్ కళ్యాణ్ హీరోగా తెరకెక్కిన భీమ్లా నాయక్ సూపర్‌ హిట్‌ టాక్‌తో దూసుకుపోతోంది. విడుదలైన అన్ని చోట్ల సినిమాకు మంచి రెస్పాన్స్‌ వస్తుంది. విదేశాల్లోనూ భీమ్లా నాయక్ మంచి వసూళ్లను రాబడుతోంది...
Bheemla Nayak: పవన్ కళ్యాణ్ హీరోగా తెరకెక్కిన భీమ్లా నాయక్ సూపర్‌ హిట్‌ టాక్‌తో దూసుకుపోతోంది. విడుదలైన అన్ని చోట్ల సినిమాకు మంచి రెస్పాన్స్‌ వస్తుంది. విదేశాల్లోనూ భీమ్లా నాయక్ మంచి వసూళ్లను రాబడుతోంది. భీమ్లా నాయక్ సినిమాపై పలువురు సినీ ప్రముఖులు ప్రశంసల వర్షం కురిపిస్తున్న విషయం తెలిసిందే. అయితే ఈ జాబితాలోకి రాజకీయ నాయకులు కూడా వచ్చి చేశారు. తాజాగా టీడీపీ అధినేత చంద్రబాబుతో పాటు, పార్టీ ప్రధాన కార్యదర్శి లోకేష్ భీమ్లా నాయక్ చిత్రంపై స్పందించారు. వైసీపీ ప్రభుత్వం సినిమా ఇండస్ట్రీని టార్గెట్‌ చేస్తూ పలు రకాల నిబంధనలు విధించిందంటూ ఆరోపణలు చేసిన చంద్రబాబు, లోకేష్.. భీమ్లా నాయక్ చిత్రంపై ట్విట్టర్‌ వేదికగా పలు ఆసక్తికర వ్యాఖ్యలు చేశారు. ఇంతకీ వీరు ఏమన్నరాంటే..
జగన్ తీరు ఉగ్రవాదాన్ని తలపిస్తోంది: చంద్రబాబు
భీమ్లా నాయక్ చిత్రంపై వైసీపీ ప్రభుత్వం టార్గెట్‌ చేసిందని ఆరోపించిన టీడీపీ అధినేత చంద్రబాబు.. ‘ జగన్ చివరికి వినోదం పంచే సినిమా రంగాన్ని కూడా తీవ్రంగా వేధిస్తున్నాడు. భీమ్లానాయక్ సినిమా విషయంలో జగన్ వ్యవహరిస్తున్న తీరు ప్రభుత్వ ఉగ్రవాదాన్ని తలపిస్తుంది. తెలుగు దేశం తప్పును ఎప్పుడూ ప్రశ్నిస్తుంది… నిలదీస్తుంది. భీమ్లా నాయక్ విషయంలో వేధింపులు వెంటనే విరమించుకోవాలని డిమాండ్ చేస్తున్నాను’ అంటూ చంద్ర బాబు ట్వీట్ చేశారు.
ఆంధ్ర ప్రదేశ్ సిఎం మాత్రం భీమ్లా నాయక్ పై కక్ష సాధింపు చర్యల్లో బిజీగా ఉన్నారు. తెలుగు దేశం తప్పును ఎప్పుడూ ప్రశ్నిస్తుంది…నిలదీస్తుంది. భీమ్లా నాయక్ విషయంలో వేధింపులు వెంటనే విరమించుకోవాలని డిమాండ్ చేస్తున్నాను.(4/4)
— N Chandrababu Naidu (@ncbn) February 25, 2022
భీమ్లా నాయక్‌కు అద్భుతమైన స్పందన వస్తోంది: లోకేష్
భీమ్లా నాయక్ చిత్రంపై టీడీపీ ప్రధాన కార్యదర్శి నారా లోకేష్ ట్విట్టర్‌ వేదికగా స్పందించారు. ఈ విషయమై ఆయన ట్వీట్ చేస్తూ.. ‘భీమ్ల నాయక్ సినిమాకు అద్భుతమైన స్పందన వస్తోంది. సినిమా చూసేందుకు ఎదురు చూస్తున్నాను. జగన్ రెడ్డి ఒక పరిశ్రమ తర్వాత మరొక పరిశ్రమను ధ్వంసం చేయటం ద్వారా రాష్ట్రాన్ని భిక్షాటన చిప్పగా మార్చాలనుకుంటున్నారు. సినీ పరిశ్రమ కూడా దీనికి మినహాయింపు కాదు. భీమ్ల నాయక్ అన్ని కుట్రలను అధిగమించి విజయం సాధించాలని కోరుకుంటున్నాను’ అంటూ వైసీపీ ప్రభుత్వాన్ని విమర్శించారు.
Hearing tremendous response for #BheemlaNayak. Looking forward to watching it. @ysjagan wants to transform AP into a begging bowl by finishing off one industry after another, movie industry being no exception. I wish #BheemlaNayak overcomes all conspiracies to come out triumphant pic.twitter.com/cqn636HsCU
— Lokesh Nara (@naralokesh) February 25, 2022
Also Read: ప్రియుడితో భార్య వివాహేతర సంబంధం.. రెడ్ హ్యాండెడ్ గా పట్టుకున్న భర్త.. ఆపై ఏం చేశాడంటే
