బన్నీ ‘పుష్ప’లో యాంకర్ సుమ.. ఏ పాత్రంటే..!

స్టైలిష్ స్టార్ అల్లు అర్జున్- లెక్కల మాస్టర్‌ సుకుమార్ కాంబినేషన్లో తెరకెక్కుతున్న మూడో చిత్రం పుష్ప. ఎర్రచందనం స్మగ్లింగ్ నేపథ్యంలో సాగుతున్న ఈ మూవీలో బన్నీ చిత్తూరు జిల్లాకు చెందిన లారీ డ్రైవర్ పాత్రలో కనిపించబోతున్నారు. దీనికి సంబంధించిన ఫస్ట్‌లుక్‌ బన్నీ పుట్టినరోజున విడుదల కాగా.. ఈ మూవీపై అందరిలో ఆసక్తిని పెరిగింది. ఇదిలా ఉంటే ఈ సినిమాలో ఓ కీలక పాత్రలో ప్రముఖ యాంకర్ సుమ నటించబోతున్నట్లు టాలీవుడ్‌ వర్గాల్లో టాక్‌ నడుస్తోంది. ఇందులో బన్నీ సోదరి పాత్రకు గానూ దర్శకుడు సుకుమార్ సుమను సంప్రదించారని, అందుకు ఆమె ఓకే చెప్పిందని టాక్. అంతేకాదు సినిమాకు ఈ పాత్ర కీలకం అని కూడా మూవీ వర్గాల ద్వారా తెలిసింది. మరి ఇందులో నిజమెంతో తెలియాలంటే కొద్ది రోజులు ఆగాల్సిందే.

కాగా ఈ మూవీలో అల్లు అర్జున్‌ సరసన రష్మిక మొదటిసారిగా జత కట్టబోతోంది. జగపతి బాబు, బాబీ సింహా తదితరులు కీలక పాత్రల్లో నటించబోతున్నట్లు సమాచారం. మైత్రీ మూవీ మేకర్స్, ముత్తంశెట్టి క్రియేషన్స్ సంయుక్తంగా ఈ చిత్రాన్ని నిర్మిస్తుండగా.. రాక్‌స్టార్ దేవీ శ్రీ ప్రసాద్ సంగీతం అందిస్తున్నారు. తెలుగు, తమిళం, హిందీ, కన్నడ, మలయాళం భాషల్లో ఈ మూవీ ప్రేక్షకుల ముందుకు రానుండగా.. ఈ ప్రాజెక్ట్‌పై భారీ అంచనాలు ఉన్నాయి.

Read This Story Also: కరోనా విజృంభణ.. జూన్‌లో అంతకుమించి..!