RRR Movie: వాళ్లు వదులుకున్నారు.. వీళ్లు ఒడిసి పట్టుకున్నారు.. ‘ఆర్ఆర్ఆర్’‌ను రిజెక్ట్ చేసిన హీరోయిన్లు వీరే!

రామ్ చరణ్, ఎన్టీఆర్ ప్రధాన పాత్రల్లో దర్శకధీరుడు ఎస్.ఎస్.రాజమౌళి తెరకెక్కించిన చిత్రం ‘ఆర్ఆర్ఆర్’. ప్రస్తుతం ఈ మూవీ బాక్స్‌ఆఫీస్ వద్ద కలెక్షన్ల వర్షం కురిపిస్తోంది. ఇప్పటికే వసూళ్ళలో రూ. 500 కోట్ల మార్క్ అందుకున్న ఈ చిత్రం.. రూ. 1000 కోట్ల వైపుకు దూసుకుపోతూ ఇండస్ట్రీ రికార్డులను ఒక్కొక్కటిగా బద్దలు కొడుతోంది. అల్లూరి సీతారామరాజుగా రామ్ చరణ్, కొమురం భీమ్‌గా ఎన్టీఆర్‌ల నటనకు ప్రేక్షకులు ఫిదా అవుతున్నారు. ఇదిలా ఉంటే.. ఈ సినిమాలో అలియా భట్, బ్రిటీష్ నటి ఒలివియా మోరిస్ హీరోయిన్లుగా నటించిన సంగతి తెలిసిందే. అయితే వీరికంటే ముందు జక్కన్న పలువురు స్టార్ హీరోయిన్లను ఈ సినిమా కోసం సంప్రదించారట. అయితే వివిధ కారణాల వల్ల వారు ఆర్ఆర్ఆర్ సినిమాను రిజెక్ట్ చేశారట. మరి నెట్టింట హల్చల్ చేస్తోన్న ఆ హీరోయిన్ల లిస్టు ఏంటో చూసేద్దాం పదండి..

సీత పాత్ర కోసం మొదటిగా బాలీవుడ్ హీరోయిన్ శ్రద్ధా కపూర్‌ను జక్కన్న సంప్రదించగా.. ఆమె డేట్స్ అడ్జస్ట్ చేయలేక ఈ ప్రాజెక్ట్ నుంచి తప్పుకున్నారని టాక్. ఆ తర్వాత పరిణితీ చోప్రాను తీసుకోవాలనుకున్నారు. అయితే ఆమె చేతిలో వరుస సినిమాలు ఉండటంతో.. ఈ సినిమాను వదులుకోవాల్సి వచ్చింది. చివరికి సీత పాత్రలో అలియా భట్ తన నటనతో ప్రేక్షకుల మన్ననలు పొందింది.

మరోవైపు ఎన్టీఆర్‌కు జోడిగా మొదటిగా అమీ జాక్సన్‌ను జక్కన్న సంప్రదించారు. ప్రెగ్నెన్సీ కారణంగా ఆమె ఈ భారీ ప్రాజెక్ట్‌కు నో చెప్పాల్సి వచ్చింది. బాలీవుడ్ హీరోయిన్ కత్రినా కైఫ్ చెల్లెలు ఇసాబెల్ కైఫ్‌ను కూడా సంప్రదించగా.. ఆమె కూడా వదులుకుంది. ఆ తర్వాత బ్రిటన్ నటి డైసీ ఎడ్గర్ జోన్స్‌ను తీసుకున్నారు.. అనూహ్యంగా షూట్ మొదలైన కొద్దిరోజులకే ఆమె తప్పుకుంది. దీనితో ఆ ఛాన్స్ ఒలివియా మోరిస్‌కు దక్కింది.

Also Read: Viral Video: సీబీఐ రైడింగ్ అనుకుంటే పొరపాటే.. వీడియో చూస్తే ఫ్యూజులు ఔట్!