Pooja Hegde: ఇల్లు కట్టుకోవడమే ఇంత కష్టంగా ఉంటే.. పెళ్లి ఎలా ఉంటుందో.. మ్యారేజ్‌పై బుట్టబొమ్మ వ్యాఖ్యలు.
Pooja Hegde: ఇల్లు, పెళ్లి.. ఈ రెండింటికి జీవితంలో ఎంతో ప్రాధాన్యత ఉంటుంది. అందుకే 'ఇల్లు కట్టి చూడు, పెళ్లి చేసి చూడు' అని అంటుంటారు. ఇల్లు, పెళ్లి ఈ రెండు ఉంటేనే జీతం సంపూర్ణం అనే భావనలో ఉంటారు....
Pooja Hegde: ఇల్లు, పెళ్లి.. ఈ రెండింటికి జీవితంలో ఎంతో ప్రాధాన్యత ఉంటుంది. అందుకే ‘ఇల్లు కట్టి చూడు, పెళ్లి చేసి చూడు’ అని అంటుంటారు. ఇల్లు, పెళ్లి ఈ రెండు ఉంటేనే జీతం సంపూర్ణం అనే భావనలో ఉంటారు. అయితే ఇది కేవలం సామాన్య ప్రజలకే పరిమితం కాకుండా రూ. కోట్లలో రెమ్యునరేషన్‌ తీసుకునే సెలబ్రిటీలకు సైతం వర్తిస్తుంది. ఎన్ని కోట్లు సంపాదించినా ఓ మంచి ఇల్లు కట్టుకోవాలి, మంచి అమ్మాయి/ అబ్బాయిని పెళ్లి చేసుకోని సెటిల్‌ అవ్వాలనుకుంటారు. తాజాగా అందాల తార పూజా హెగ్డే కూడా ఇలాంటి వ్యాఖ్యలే చేసింది. తాజాగా ఇచ్చిన ఓ ఇంటర్వ్యూలో వివాహంపై ఆసక్తికర వ్యాఖ్యలు చేసిందీ బ్యూటీ.
View this post on Instagram
ఈ సందర్భంగా వివాహ బంధం గురించి మీ అభిప్రాయం ఏంటన్న ప్రశ్నకు ఆసక్తికర సమాధానం ఇచ్చింది. ఈ సందర్భంగా ఈ అందాల తార మాట్లాడుతూ.. ఇల్లు కట్టి చూడు, పెళ్లి చేసి చూడు ఉంటారు. ఎందుకంటే అవి చేసిన వారికి మాత్రమే తెలుస్తుంది. ఇటీవలే ముంబయిలో ఓ ఇంటిని నిర్మించుకున్నాను. ఇల్లు కట్టుకోవడమే ఇంత కష్టంగా ఉంటే పెళ్లి ఎలా ఉంటుందోనని నవ్వుతూ చెప్పుకొచ్చిందీ బ్యూటీ. ఇక జీవితాంతం కలిసి ఉంటే బాగుంటదనిపించే వారినే పెళ్లి చేసుకోవాలని చెప్పిన ఈ బ్యూటీ.. ఇంట్లో ఒత్తిడి వల్లో, అందరూ పెళ్లి చేసేసుకుంటున్నారనో మాత్రం చేసుకోకూడదని ఎలిజిబుల్ బ్యాచిలర్స్‌కు సూచన చేసింది.
View this post on Instagram
అయితే తన పెళ్లి ఎప్పుడన్న విషయం మాత్రం దాటేసింది. ఇప్పట్లో పెళ్లి ఆలోచన లేదని, ప్రస్తుతం వరుస సినిమాలతో చాలా చాలా బిజీగా ఉన్నానని చెప్పుకొచ్చిందీ బ్యూటీ. ఇదిలా ఉంటే ఈ అందాల తార ప్రస్తుతం ఆచార్య, రాధేశ్యామ్‌, బీస్ట్‌ వంటి భారీ బడ్జెట్‌ చిత్రాల్లో నటిస్తోంది. ఈ సినిమాలు విజయవంతమైతే ఈ అమ్మడి క్రేజ్‌ ఒక్కసారి ఆకాశాన్ని తాకుతుందనడంలో ఎలాంటి సందేహం లేదు.
Also Read: అఘోరీ, అఘోరా కల్యాణం.. అర్ధరాత్రి ముహూర్తం !! వీడియో
Horoscope Today: ఈరోజు ఈ రాశివారికి స్త్రీవలన ధన లాభం ఉంటుంది.. నేటి రాశిఫలాలు ఎలా ఉన్నాయంటే..
